عالمی کپ 2023: تیسرے الٹ پھیر کا شکار ہوئی پاکستانی ٹیم، افغانستان نے 8 وکٹ سے ہرایا
پاکستان نے افغانستان کے سامنے جیت کے لیے 283 رنوں کا ہدف دیا تھا جسے اس نے آسانی کے ساتھ 49 اوورس میں محض 2 وکٹ کے نقصان پر حاصل کر لیا، یہ یک روزہ کرکٹ میں پاکستان کے خلاف اس کی پہلی جیت ہے۔
Through RSS Feeds 
عالمی کپ 2023 میں آج افغانستان نے تیسرا الٹ پھیر کرتے ہوئے پاکستانی ٹیم کو بہ آسانی 8 وکٹ سے ہرا دیا۔ اس سے قبل افغانستان نے ہی انگلینڈ کو شکست دے کر رواں عالمی کپ کا پہلا الٹ پھیر کیا تھا، اور پھر نیدرلینڈس نے جنوبی افریقہ کو شکست دے کر دوسرا الٹ پھیر کیا تھا۔ بہرحال، آج کی جیت کے ساتھ ہی افغانستان نے یک روزہ کرکٹ میں پہلی بار پاکستان کو شکست دینے کی تاریخ بھی رقم کر دی۔ آج سے پہلے 50 اوورس کے میچ میں ان دونوں ٹیموں کے درمیان کھیلے گئے 7 میچوں میں سے سبھی 7 میچ پاکستان نے جیتے تھے، لیکن آج افغانستان نے ظاہر کر دیا کہ کیوں اسے گزشتہ کچھ سالوں میں سب سے بہتر پیش رفت کرنے والی ٹیم مانا جاتا ہے۔
!
— Afghanistan Cricket Board (@ACBofficials) October 23, 2023
Congratulations to AfghanAtalan and the whole Afghan Nation for this marvelous victory over @TheRealPCB on the biggest stage of the world. #AfghanAtalan | #CWC23 | #AFGvPAK | #WarzaMaidanGata pic.twitter.com/nAP5VvTnSY
آج ٹاس پاکستانی ٹیم کے کپتان بابر اعظم نے جیتا تھا اور پہلے بلے بازی کرنے کا فیصلہ کیا تھا۔ امید کی جا رہی تھی کہ پاکستانی ٹیم 300 پلس رن بنائے گی، لیکن افغانی گیندبازوں نے ایسا ہونے نہیں دیا۔ حالانکہ پاکستان کو سلامی بلے بازوں (عبداللہ شفیق 58 رن، امام الحق 17 رن) نے بہترین شروعات دی تھی اور کپتان بابر اعظم (92 گیندوں پر 74 رن) نے بھی نصف سنچری بنائی، لیکن درمیان کے اوورس میں کچھ وکٹ گرے اور تیزی سے رن نہیں بنے۔ حالانکہ آخر کے 10 اوورس میں پاکستانی بلے باز افتخار احمد (27 گیندوں پر 40 رن) اور شاداب خان (38 گیندوں پر 40 رن) نے تیزی دکھائی جس کے سبب ٹیم 50 اوورس میں 7 وکٹ کے نقصان پر 282 رن بنانے میں کامیاب ہو گئی۔
افغانستان کی طرف سے گیندبازی کی بات کی جائے تو عالمی کپ میں پہلا مقابلہ کھیل رہے اسپن گیندباز نور احمد نے بے انتہا متاثر کیا۔ انھوں نے 10 اوورس میں 49 رن دے کر 3 انتہائی اہم وکٹ (عبداللہ شفیق، محمد رضوان، بابر اعظم) لیے۔ 2 وکٹ تیز گیندباز نوین الحق کے حصے میں آئے جنھوں نے 7 اوورس میں 52 رن دیے۔ 1-1 وکٹ محمد نبی (10 اوورس میں 31 رن) اور عظمت اللہ عمرزئی (5 اوورس میں 50 رن) کو ملے۔ راشد خان کو وکٹ بھلے ہی نہیں ملے لیکن انھوں نے کفایتی گیندبازی کرتے ہوئے 10 اوورس میں 41 رن دیے۔
