بھارت جوڑو نیائے یاترا: راہل گاندھی 30 جنوری کو بہار میں عظیم الشان جلسہ سے کریں گے خطاب، نتیش بھی ہوں گے ساتھ
پریم چندر مشرا نے بتایا کہ راہل گاندھی کی پورنیہ ریلی میں بہار کے وزیر اعلیٰ نتیش کمار بھی شامل ہوں گے، اس کے بعد 31 جنوری کو کٹیہار میں راہل گاندھی کی مزید ایک ریلی ہوگی۔
Through RSS Feeds 
کانگریس لیڈر راہل گاندھی کی ’بھارت جوڑو نیائے یاترا‘ 29 جنوری کو بہار میں داخل ہونے والی ہے۔ بہار میں راہل گاندھی کچھ مقامات پر عظیم الشان جلسہ سے خطاب بھی کریں گے۔ بتایا جا رہا ہے کہ 30 جنوری کو یہ یاترا پورنیہ پہنچے گی جہاں راہل گاندھی ایک عظیم الشان جلسہ سے خطاب کریں گے۔ یہاں راہل گاندھی کی تقریب میں بہار کے وزیر اعلیٰ نتیش کمار بھی شامل ہوں گے۔ اس ریلی میں مہاگٹھ بندھن کے کئی لیڈران کے شرکت کرنے کی خبر مل رہی ہے۔
’بھارت جوڑو نیائے یاترا‘ کے بہار میڈیا کمیٹی چیئرمین پریم چندر مشرا نے پیر کے روز بتایا کہ راہل گاندھی کی یاترا 29 جنوری کو بہار میں داخل ہوگی۔ کشن گنج کے راستے راہل گاندھی کی یاترا 30 جنوری کو پورنیہ پہنچے گی جہاں وہ ایک بڑی تقریب کو خطاب کریں گے۔
LIVE:
— Bihar Congress (@INCBihar) January 22, 2024
प्रेस वार्ता बिहार कांग्रेस मुख्यालय सदाकत आश्रम पटना।
मुख्य वक्ता #BharatJodoNyayYatra मिडिया प्रभारी सह विधान पार्षद श्री प्रेमचंद्र मिश्रा जी। https://t.co/goU0noLfV7
پریم چندر مشرا کا کہنا ہے کہ راہل گاندھی کی پورنیہ ریلی میں بہار کے وزیر اعلیٰ نتیش کمار بھی شریک ہونے والے ہیں۔ اس کے بعد 31 جنوری کو کٹیہار میں بھی راہل گاندھی ایک تقریب سے خطاب کریں گے۔ پھر راہل گاندھی کی بھارت جوڑو نیائے یاترا ارریہ سے گزرتے ہوئے یکم فروری کو جھارکھنڈ کی سرحد میں داخل ہو جائے گی۔
کانگریس لیڈر پریم چندر مشرا نے کہا کہ دو مراحل میں ہونے والی یہ بھارت جوڑو نیائے یاترا ہا رکے 7 اضلاع سے گزرے گی اور 425 کلومیٹر دوری طے کرے گی۔ یاترا پہلے مرحلہ میں کشن گنج، پورنیہ، کٹیہار اور ارریہ سے گزرگے، جبکہ دوسرے مرحلہ میں اورنگ آباد، کیمور اور سہسرام سے ہوتے ہوئے اتر پردیش میں داخل ہو جائے گی۔
