انگلینڈ کے خلاف تیسرے ٹیسٹ کے پہلے دن روہت-جڈیجہ کی سنچری اور سرفراز کی نصف سنچری سے ہندوستان کی پوزیشن مضبوط
ہندوستان کے 3 وکٹ انگلش گیندبازوں نے محض 33 رن پر گرا دیے تھے، لیکن کپتان روہت شرما، رویندر جڈیجہ اور سرفراز خان کی بہترین اننگز کی بدولت ٹیم نے پہلے دن 5 وکٹ کے نقصان پر 326 رن بنا لیے۔
Through RSS Feeds 
راجکوٹ: ہندوستان اور انگلینڈ کے درمیان 5 ٹیسٹ میچوں کی سیریز کا تیسرا ٹیسٹ میچ آج سے گجرات کے راجکوٹ میں شروع ہوا۔ انگلش گیندبازوں کو شروعات تو اچھی ملی، لیکن روہت شرما، رویندر جڈیجہ کی سنچریوں اور سرفراز خان کی نصف سنچری کی مدد سے ہندوستانی ٹیم مضبوط پوزیشن میں پہنچ گئی ہے۔ پہلے دن کا کھیل ختم ہونے تک ہندوستان نے پانچ وکٹ کے نقصان پر 326 رن بنا لیے ہیں۔ رویندر جڈیجہ اور نائٹ واچ مین کی شکل میں میدان پر اترے کلدیپ یادو ناٹ آؤٹ ہیں۔
Team India @BCCI have begun the 3rd Test match against England on a high note. @ImRo45’s exemplary leadership and power-packed century have set the stage for a thrilling match. 3,000 test runs come up for @imjadeja as he scores another ton on his home ground. @sarfarazkhan977’s… pic.twitter.com/3mj0HpG1Qz
— Thakur Arun Singh (@ThakurArunS) February 15, 2024
آج ٹاس جیت کر پہلے بلے بازی کرنے اتری ہندوستانی ٹیم کی شروعات خراب رہی اور چوتھے ہی اوور میں سلامی بلے باز یشسوی جیسوال محض 10 رن بنا کر آؤٹ ہو گئے۔ وہ مارک ووڈ کی گیند پر روٹ کے ہاتھوں میں کیچ تھما بیٹھے۔ نئے بلے باز شبھمن گل کو بھی ووڈ نے جلدی ہی وکٹ کیپر بین فاکس کے ہاتھوں کیچ آؤٹ کر کے ہندوستان کو دوسرا جھٹکا دیا۔ گل بغیر کوئی رن بنائے آؤٹ ہو گئے۔ رجت پاٹیدار بھی زیادہ کچھ نہیں کر سکے اور نویں اوور میں پانچ رنز بنانے کے بعد پویلین لوٹ گئے۔ ہندوستان کے 3 وکٹ محض 33 رن تک گر چکے تھے اور ٹیم مشکل میں نظر آ رہی تھی۔ ایسے میں کپتان روہت شرما اور رویندر جڈیجہ نے سنبھل کر کھیلنا شروع کیا اور لنچ کے وقت تک ہندوستان کا اسکور 3 وکٹ پر 93 رنز تک پہنچا دیا۔
DO NOT MISS
— BCCI (@BCCI) February 15, 2024
That Moment when captain @ImRo45 brought up a fine
Follow the match ▶️ https://t.co/FM0hVG5pje#TeamIndia | #INDvENG | @IDFCFIRSTBank pic.twitter.com/MtK2wm89CQ
لنچ کے بعد جب کھیل دوبارہ شروع ہوا تو کپتان روہت شرما اور رویندر جڈیجہ نے ہندوستانی اننگ کو کچھ رفتار عطا کی۔ دونوں بلے بازوں نے چوتھے وکٹ کے لیے 204 رن جوڑے۔ روہت شرما نے 196 گیندوں میں 14 چوکوں اور 3 چھکوں کی مدد سے 131 رن کی شاندار اننگ کھیلی۔ انھیں مارک ووڈ نے کپتان اسٹوکس کے ہاتھوں کیچ آؤٹ کرایا۔ اس کے بعد میدان میں اترے سرفراز خان انگلش گیندبازوں کی جیسے بخیا ہی ادھیڑ کر رکھ دی۔ شروع میں کچھ گیندیں سنبھل کر کھیلنے کے بعد پھر انھوں نے تیزی کے ساتھ رن بنانے شروع کر دیے۔ سرفراز خان نے ریکارڈ 48 گیندوں پر نصف سنچری مکمل کی۔ بدقسمتی سے سرفراز 82ویں اوور میں 66 گیندوں پر 62 رن بنا کر رن آؤٹ ہو گئے۔ اس کے بعد ہندوستان کا مزید کوئی وکٹ نہیں گرا اور دن کا کھیل ختم ہونے تک ہندوستان نے 5 وکٹ کے نقصان پر 326 رن بنا لیے۔ رویندر جڈیجہ 212 گیندوں پر 110 رن اور کلدیپ یادو 10 گیندوں پر 1 رن بنا کر کریز پر موجود تھے۔
Centuries from Jadeja (110*) and Rohit Sharma (131) guide #TeamIndia to 326/5 at Stumps on Day 1 of the 3rd Test.
— BCCI (@BCCI) February 15, 2024
Scorecard - https://t.co/eYpzVPnUf8 #INDvENG@IDFCFIRSTBank pic.twitter.com/KVSDlNKmQG
انگلینڈ کی گیندبازی کا جائزہ لیا جائے تو مارک ووڈ کے حصے میں 3 وکٹ آئے، لیکن انھوں نے 17 اوورس میں 69 رن بھی دیے۔ ایک وکٹ ٹام ہارٹلی کے حصے میں آیا جنھوں نے 23 اوورس میں 81 رن دیے۔ جیمس اینڈرس (19 اوورس میں 51 رن)، جو روٹ (13 اوورس میں 68 رن) اور ریحان احمد (14 اوورس میں 53 رن) وکٹ سے محروم رہے۔
