آصف علی زرداری پاکستان کے 14ویں صدر منتخب، بدعنوانی اور قتل کے الزام میں 11 سال گزاری جیل کی زندگی

آصف علی زرداری نے صدارتی انتخاب میں فتح حاصل کر لی ہے، پارلیمنٹ کے دونوں ایوانوں اور ملک کے 4 میں سے 3 خطوں کی اسمبلیوں میں انھیں اکثریت ملی، وہ 411 ووٹ حاصل کرنے میں کامیاب رہے۔

Through RSS Feeds Through RSS Feeds
مارچ 9, 2024 - 20:22
0 0
آصف علی زرداری پاکستان کے 14ویں صدر منتخب، بدعنوانی اور قتل کے الزام میں 11 سال گزاری جیل کی زندگی

پاکستان سے ایک بڑی خبر سامنے آ رہی ہے۔ آصف علی زرداری پاکستان کے صدر منتخب کر لیے گئے ہیں۔ وہ 14ویں صدر کی شکل میں جلد ہی حلف برداری کریں گے۔ انھیں دونوں ایوانوں میں اکثریت حاصل ہوئی ہے اور تین خطوں کی اسمبلیوں میں بھی انھیں کثیر ووٹ ملے ہیں۔

قابل ذکر ہے کہ آصف علی زرداری کی بیوی اور پاکستان کی سابق وزیر اعظم بے نظیر بھٹو کے قتل کے بعد زرداری کو تقریباً ایک دہائی تک جیل کی زندگی گزارنی پڑی تھی۔ زرداری بدعنوانی اور قتل کے الزام میں 11 سال تک جیل میں رہے تھے، حالانکہ وہ کبھی بھی قصوروار نہیں پائے گئے۔ ایسے میں ان کا پاکستان کا صدر بننا ایک بڑی بات ہے۔ آصف علی زرداری کو مجموعی طور پر 411 ووٹ حاصل ہوئے ہیں، جبکہ ان کے مخالف محمود اچکزئی کو محض 181 ووٹ ملے۔

پاکستان پیپلز پارٹی (پی پی پی) کے حامی صدارتی انتخاب کے نتائج برآمد ہونے سے پہلے ہی اس جیت کو لے کر پراعتماد تھے۔ یہی وجہ ہے کہ انھوں نے آفیشیل نتیجہ سامنے آنے سے پہلے ہی جشن منانا شروع کر دیا تھا۔ زرداری کی دونوں بیٹیوں نے ان کے والد کی جیت پر پی پی پی کو مبارکباد پیش کی۔

واضح رہے کہ آصف علی زرداری دوسری بار پاکستان کے صدر بنے ہیں۔ اس سے قبل 2008 سے 2013 کے درمیان انھوں نے پاکستان کے گیارہویں صدر کی شکل میں اپنی خدمات دی تھیں۔ وہ پاکستان کے پہلے صدر ہیں جن کا انتخاب جمہوری طریقے سے ہوا ہے اور اپنی مدت کار کامیابی کے ساتھ مکمل کر اگلے صدر کو ذمہ داری سونپی۔

Read More