آئی پی ایل 2024: انتہائی دلچسپ مقابلے میں پنجاب نے دہلی کو 4 وکٹ سے ہرایا، رِشبھ پَنت کی شاندار واپسی
ٹاس ہار کر پہلے بلے بازی کرنے اتری دہلی نے 174 رن بنائے تھے، جواب میں پنجاب نے جیت کے لیے ضروری ہدف 19.2 اوورس میں 6 وکٹ کے نقصان پر حاصل کر لیا۔
Through RSS Feeds 
آئی پی ایل 2024 میں کھیلے گئے آج دوپہر کے انتہائی دلچسپ میچ میں پنجاب کنگز نے دہلی کیپٹلز کو 4 وکٹ سے شکست دے دی۔ ٹاس ہار کر پہلے بلے بازی کرتے ہوئے دہلی نے 20 اوورس میں 9 وکٹ کے نقصان پر 174 رن بنائے تھے۔ جواب میں پنجاب نے 19.2 اوورس میں 6 وکٹ کے نقصان پر ضروری ہدف حاصل کر لیا۔ سیم کرن نے پنجاب کی طرف سے شاندار نصف سنچری لگائی، جبکہ ان کے ساتھی کھلاڑی لیام لیونگسٹون نے 21 گیندوں میں 38 رنوں کی ناٹ آؤٹ اننگ کھیلی۔ انھوں نے آخری اوور میں چھکا لگا کر میچ کو ختم کیا۔
