پارلیمنٹ کی سیکورٹی میں سیندھ: وزارت داخلہ نے تشکیل دی ایس آئی ٹی، 5 ملزمین حراست میں، ایک کی تلاش جاری
بیان میں کہا گیا ہے کہ ’’لوک سبھا سکریٹری جنرل کے خط پر وزارت داخلہ نے سی آر پی ایف ڈائریکٹر جنرل انیش دیال سنگھ کی صدارت میں ایس آئی ٹی تشکیل دی ہے۔‘‘
Through RSS Feeds 
13 دسمبر کو پارلیمنٹ کی سیکورٹی میں بڑی خامی دیکھنے کو ملی جب وزیٹرس گیلری میں بیٹھے دو لوگ لوک سبھا میں کود پڑے اور ایوان کی کارروائی کے دوران اراکین پارلیمنٹ کی جگہ پر اچھلتے بھاگتے دکھائی دیے۔ انھوں نے ایوان میں پیلے رنگ کا دھواں بھی پھیلا دیا جس سے افرا تفری کا ماحول پھیل گیا۔ حالانکہ اس سے کسی کو نقصان نہیں ہوا اور دونوں افراد کو اراکین پارلیمنٹ نے پکڑ کر سیکورٹی اہلکاروں کے حوالے کر دیا۔ ایک طرف ایوان زیریں میں یہ ہنگامہ ہو رہا تھا اور دوسری طرف پارلیمنٹ احاطہ میں دو دیگر لوگوں نے ’تاناشاہی نہیں چلے گی‘ نعرہ لگاتے ہوئے وہاں پر دھواں پھیلا دیا۔ اب اس پورے معاملے کی جانچ کے لیے مرکزی وزارت داخلہ نے ایس آئی ٹی تشکیل دے دی ہے۔
On request from Lok Sabha Secretariat, MHA has ordered an Enquiry of parliament security breach incident. An Enquiry Committee has been set up under Shri Anish Dayal Singh, DG, CRPF, with members from other security agencies and experts. (1/2)@HMOIndia @PIB_India @DDNewslive
— Spokesperson, Ministry of Home Affairs (@PIBHomeAffairs) December 13, 2023
اس سلسلے میں ایک بیان جاری کرتے ہوئے وزارت داخلہ نے کہا کہ ’’لوک سبھا سکریٹری جنرل کے خط پر وزارت داخلہ نے سی آر پی ایف ڈائریکٹر جنرل انیش دیال سنگھ کی صدارت میں ایس آئی ٹی تشکیل دی ہے۔ اس میں دیگر سیکورٹی ایجنسیوں کے افسران بطور رکن شامل ہوں گے۔‘‘ اس بیان میں یہ بھی جانکاری دی گئی ہے کہ ’’کمیٹی اس بات کی جانچ کرے گی کہ سیکورٹی میں سیندھ کس طرح لگی اور سیکورٹی میں ہوئی کمی کی وجہ جاننے کے بعد کارروائی کی جائے گی۔ کمیٹی اس کے علاوہ سیکورٹی بہتر کرنے کو لے کر بھی جلد رپورٹ پیش کرے گی۔‘‘
بتایا جا رہا ہے کہ اس معاملے میں مجموعی طور پر 6 لوگ شامل تھے جن میں سے دو نے لوک سبھا کے اندر ہنگامہ مچایا اور دو پارلیمانی احاطہ میں ہنگامہ کر رہے تھے۔ ان چاروں کو فوری طور پر حراست میں لے لیا گیا اور پھر مزید ایک شخص کی گرفتاری عمل میں آئی۔ پولیس نے بھی اس بات کی تصدیق کی ہے کہ پانچ لوگ پکڑے جا چکے ہیں اور ایک فرار شخص کی تلاش کی جا رہی ہے۔ لوک سبھا میں کودنے والے شخص کی شناخت ساگر شرما اور منورنجن ڈی کی شکل میں ہوئی ہے۔ امول شندے اور نیلم کو پارلیمنٹ ہاؤس کے باہر سے پکڑا گیا ہے۔ ان کا پانچواں ساتھی للت بھی پارلیمنٹ میں چاروں کے ساتھ آیا تھا، لیکن ہنگامہ ہونے پر وہ بھاگ گیا جو اب بھی فرار ہے۔ ان کا چھٹا ساتھی وکی بھی پولیس کی گرفت میں ہے، لیکن وہ پارلیمنٹ ہاؤس نہیں آیا تھا۔
#WATCH | "He used to drive an e-rickshaw. We are four people (in the family). My husband works as a carpenter...He had gone two days ago. He had told me that he is going with his friends, as there is some work...," says Rani Sharma, mother of accused Sagar who jumped down from… https://t.co/iwpztdumTZ pic.twitter.com/VgjTlQKuwM
— ANI (@ANI) December 13, 2023
خبر رساں ایجنسی پی ٹی آئی نے پولیس ذرائع کے حوالے سے بتایا کہ سبھی ملزمین کافی دن سے منصوبہ بندی کر رہے تھے۔ سبھی لوگ سوشل میڈیا کے ذریعہ ایک دوسرے سے جڑے ہوئے تھے۔ ذرائع کا کہنا ہے کہ اس معاملے کی جانچ دہلی پولیس کی اسپیشل سیل کرے گی۔ ملزمین کے گھروں پر چھاپہ ماری بھی کی گئی ہے اور ان کے گھر والوں سے پوچھ تاچھ کی جا رہی ہے۔
