’مودی لہر کہیں نہیں‘، بی جے پی امیدوار نونیت رانا کے بیان پر جئے رام رمیش نے کہا ’ہم تو یہ کئی ہفتوں سے کہہ رہے‘

امراوتی لوک سبھا سیٹ سے بی جے پی امیدوار نونیت رانا کی ایک ویڈیو وائرل ہو رہی ہے جس میں وہ اپنے حامیوں سے کہتی نظر آ رہی ہیں کہ سبھی ووٹنگ کے دن محنت کریں کیونکہ اس بار مودی لہر کہیں نہیں ہے۔

Through RSS Feeds Through RSS Feeds
اپریل 16, 2024 - 22:29
0 0
’مودی لہر کہیں نہیں‘، بی جے پی امیدوار نونیت رانا کے بیان پر جئے رام رمیش نے کہا ’ہم تو یہ کئی ہفتوں سے کہہ رہے‘

مہاراشٹر میں امراوتی لوک سبھا سیٹ سے بی جے پی امیدوار نونیت رانا کے ایک بیان نے بی جے پی اور مودی حمایت کا دَم بھرنے والے لوگوں کو حیران کر دیا ہے۔ دراصل ان کی ایک ویڈیو وائرل ہو رہی ہے جس میں وہ اپنے حامیوں سے کہہ رہی ہیں کہ سبھی ووٹنگ کے دن محنت کریں کیونکہ اس بار مودی لہر کہیں نہیں ہے۔ نونیت رانا کے اس بیان نے اپوزیشن لیڈران کو بولنے کا بہترین موقع دے دیا ہے۔ جئے رام رمیش نے اس ویڈیو کو اپنے ’ایکس‘ ہینڈل پر شیئر کرتے ہوئے لکھا ہے کہ ’’ہم یہ کئی ہفتوں سے کہہ رہے ہیں، اور اب وہ بھی یہی کہہ رہے ہیں۔‘‘ وہ مزید لکھتے ہیں کہ ’’بی جے پی امیدوار نونیت رانا نے کہا ہے کہ مودی لہر کہیں نہیں ہے۔ کچھ ہی ہفتوں میں وہ (بی جے پی والے) بھی سچ جان جائیں گے۔ اس بار مودی کے خلاف لہر ہے۔‘‘

Read More