’بریانی اور کباب کھلانے کی تیاری ہے‘، پاکستانی وزیر مصدق مسعود کو ہندوستان مدعو کیے جانے پر کانگریس ناراض
کانگریس کا کہنا ہے کہ پاکستانی وزیر کی مہمان نوازی کرنا ملک اور ملک کے باشندوں کے ساتھ غداری ہے۔ مودی حکومت کو یہ نہیں کرنا چاہیے تھا۔
ہندوستان اور پاکستان کے درمیان کشیدہ رشتوں کے باوجود پاکستانی وزیر مصدق مسعود ملک دہلی پہنچ گئے ہیں۔ پاکستان کے وفاقی وزیر برائے موسمیاتی تبدیلی مصدق مسعود 20 سے 22 نومبر تک نئی دہلی میں ہونے والے ’شنگھائی کوآپریشن آرگنائزیشن‘ (ایس سی او) میں شرکت کے مقصد سے پہنچے ہیں، جس کی تصدیق پاکستان نے بھی کر دی ہے۔ پاکستان ہائی کمیشن نے سوشل میڈیا پوسٹ کے ذریعہ ان کے ہندوستان پہنچنے کی تصدیق کی ہے اور دہلی ایئرپورٹ پر پاکستان کے چارج ڈی افیئرس سعد واریچ نے ان کا استقبال کیا ہے۔
मोदी सरकार के इनविटेशन पर पाकिस्तान का मंत्री मुसादिक मलिक भारत आ गया है.
— Congress (@INCIndia) November 20, 2026
मुसादिक लगातार भारत को धमकाता रहा है. कभी हाथ काटने की धमकी देता है, कभी खून बहाने की.
एक तरफ पाकिस्तान हमारे देश में आतंकवाद को बढ़ावा दे रहा है, भारतीयों की हत्या करवा रहा है.
दूसरी तरफ मोदी सरकार भारत… pic.twitter.com/aYCZkPXiXN
مصدق مسعود ملک کے ہندوستان پہنچنے کی خبر پر کانگریس نے اپنا سخت رد عمل ظاہر کیا ہے۔ سوشل میڈیا پلیٹ فارم ’ایکس‘ پر اپوزیشن پارٹی نے مودی حکومت کو ہدف تنقید بناتے ہوئے لکھا ہے کہ ’’مودی حکومت کی دعوت پر پاکستان کا وزیر مصدق ملک ہندوستان آ گیا ہے۔ مصدق لگاتار ہندوستان کو دھمکاتا رہا ہے۔ کبھی ہاتھ کاٹنے کی دھمکی دیتا ہے، کبھی خون بہانے کی۔‘‘ ساتھ ہی پارٹی نے یہ بھی لکھا ہے کہ ’’ایک طرف پاکستان ہمارے ملک میں دہشت گردی کو فروغ دے رہا ہے، ہندوستانی کا قتل کروا رہا ہے، اور دوسری طرف مودی حکومت ہندوستان سے نفرت کرنے والے پاکستانی وزیر کی مہمان نوازی میں لگی ہے۔ بریانی اور کباب کھلانے کی تیاری ہے۔‘‘
مودی حکومت کے ذریعہ پاکستانی وزیر کو ہندوستان مدعو کیے جانے کو کانگریس نے ’غداری‘ سے تعبیر کیا ہے۔ کانگریس کا کہنا ہے کہ ’’یہ (پاکستانی وزیر کی مہمان نوازی کرنا) ملک اور ملک کے باشندوں کے ساتھ غداری ہے۔ مودی حکومت کو یہ نہیں کرنا چاہیے تھا۔‘‘ ساتھ ہی پارٹی نے یہ بھی کہا کہ ’’جب تک پاکستان دہشت گردی پر پوری طرح بریک نہیں لگاتا، اس سے کوئی بات نہیں ہونی چاہیے۔‘‘
Federal Minister for Climate Change and Environmental Coordination @DrMusadikMalik arrived in New Delhi today. He was received at the Airport by the Chargé d'Affaires @Saadawarraich.@ForeignOfficePk @epwing_official @MoIB_Official pic.twitter.com/hpCOS8Ho0K
— Pakistan High Commission India (@PakinIndia) November 20, 2026
واضح رہے کہ مئی 2023 میں اُس وقت کے وزیر خارجہ بلاول بھٹو زرداری کے گوا دورہ کے بعد یہ پہلی بار ہے، جب پاکستان کا کوئی وفاقی وزیر ہندوستان آیا ہے۔ یہ دورہ ایسے وقت ہو رہا ہے جب پہلگام دہشت گردانہ حملہ اور ہندوستان کے ’آپریشن سندور‘ کے بعد دونوں ممالک کے رشتوں میں کشیدگی بنی ہوئی ہے۔ بہرحال، پاکستان کی وزارت خارجہ نے 14 نومبر کو مصدق ملک کو ملک کے نمائندہ وفد کی قیادت کرنے کے لیے نامزد کرنے کا اعلان کیا تھا۔ اس سے قبل ہندوستان نے پاکستان کے قومی وراثت و ثقافت کے وزیر اورنگ زیب خان کھچی کو اس پلیٹ فارم کی افتتاحی تقریب میں شامل ہونے کا دعوت نامہ بھیجا تھا، لیکن پاکستان نے ان کی جگہ وفاقی وزیر برائے موسمیاتی تبدیلی مصدق مسعود کو بھیجنے کا فیصلہ کیا۔