انڈر-19 عالمی کپ فائنل: کل آسٹریلیا کے خلاف سینئر ٹیم کی شکست کا بدلہ لینے میدان پر اترے گی جونیئر ہندوستانی ٹیم
ہندوستان کی انڈر-19 کرکٹ ٹیم جنوبی افریقہ کو شکست دے کر فائنل میں پہنچی ہے، جبکہ آسٹریلیائی ٹیم نے پاکستان کو شکست دے کر فائنل میں جگہ بنائی ہے۔
گزشتہ سال جب روہت بریگیڈ عالمی کپ فائنل میں آسٹریلیا سے ہار گئی تھی تو ہندوستانی کرکٹ شیدائیوں میں غم کا ماحول چھا گیا تھا۔ کل یعنی اتوار کو موقع ہے آسٹریلیا سے اس شکست کا بدلہ لینے کا۔ دراصل انڈر-19 کرکٹ عالمی کپ کا فائنل مقابلہ کل ہندوستان اور آسٹریلیا کے درمیان کھیلا جانے والا ہے۔ ادے سہارن کی کپتانی والی ہندوستانی ٹیم کے پاس بہترین موقع ہے جب آسٹریلیا کو شکست دے کر عالمی کپ پر قبضہ کرے اور سینئرس کی شکست کا بدلہ لے۔
Team sweating it out ahead of the big Sunday #U19WorldCup pic.twitter.com/BtdjFCvGzb
— ICC (@ICC) February 10, 2024
قابل ذکر ہے کہ ہندوستان کی انڈر-19 کرکٹ ٹیم جنوبی افریقہ کو شکست دے کر فائنل میں پہنچی ہے، جبکہ آسٹریلیائی ٹیم نے پاکستان کو شکست دے کر فائنل میں جگہ بنائی ہے۔ اب تک ہندوستان کی انڈر-19 ٹیم ریکارڈ 5 بار عالمی کپ کا خطاب جیت چکی ہے اور اس کی کوشش ہوگی کہ چھٹی بار اس پر قبضہ کیا جائے۔
Stage set for a cracking Sunday Final in the #U19WorldCup! ️
— BCCI (@BCCI) February 8, 2024
India Australia
Follow the match on https://t.co/Z3MPyeL1t7 and the official BCCI App #BoysInBlue | #TeamIndia | #INDvAUS pic.twitter.com/lwJ4ag4wOc
ہندوستان اور آسٹریلیا کے درمیان فائنل مقابلہ بینونی میں کھیلا جائے گا اور ہندوستانی وقت کے مطابق یہ 1.30 بجے شروع ہوگا۔ ہندوستانی کرکٹ شیدائی اس مقابلے کو اسٹار اسپورٹس نیٹورک پر دیکھ سکتے ہیں۔ علاوہ ازیں جیو سنیما پر بھی اس فائنل مقابلہ کی براہ راست اسٹریمنگ کی جائے گی۔ جیو سنیما پر کرکٹ شیدائی ہندی اور انگریزی کے علاوہ دیگر زبانوں میں بھی میچ کی کمنٹری کا لطف اٹھا سکیں گے۔