ملک بھر میں 46 مقامات پر روزگار میلہ کا انعقاد، پی ایم مودی نے ایک لاکھ سے زائد نوجوانوں کو دیا تقرری نامہ
وزیر اعظم دفتر کی طرف سے جاری ایک بیان میں کہا گیا ہے کہ پی ایم مودی نے 12 فروری کو ویڈیو کانفرنسنگ کے ذریعہ سے نئی تقرریوں کے لیے ایک لاکھ سے زیادہ تقرری نامے تقسیم کیے۔
Through RSS Feeds 
آج ملک کے 46 مقامات پر روزگار میلہ کا انعقاد ہوا۔ اس روزگار میلہ سے وزیر اعظم نریندر مودی نے ویڈیو کانفرنسنگ کے ذریعہ خطاب کیا۔ انھوں نے روزگار میلہ کے ذریعہ ایک لاکھ سے زائد نوجوانوں کو تقرری نامہ بھی دیا۔ اس موقع پر نوجوانوں سے خطاب کرتے ہوئے پی ایم مودی نے کہا کہ ’’ہم نے حکومت ہند میں بھرتی کے عمل کو اب پوری طرح سے شفاف بنا دیا ہے۔ اتنا ہی نہیں، حکومت کا بہت زور ہے کہ بھرتی کا عمل ایک طے وقت کے اندر پورا کر لیا جائے۔ اس سے ہر نوجوان کو اپنی اہلیت ثابت کرنے کا یکساں موقع ملنے لگا ہے۔‘‘
हमने भारत सरकार में भर्ती की प्रक्रिया को अब पूरी तरह पारदर्शी बना दिया है: PM pic.twitter.com/oCfEflUEHl
— PMO India (@PMOIndia) February 12, 2024
قابل ذکر ہے کہ وزیر اعظم دفتر (پی ایم او) کی جانب سے روزگار میلہ میں تقرری نامہ تقسیم کیے جانے کی اطلاع پہلے ہی دے دی گئی تھی۔ جاری بیان کے مطابق روزگار میلہ کے ذریعہ ایک لاکھ سے زیادہ نوجوانوں کو سرکاری ملازمتیں ملیں۔ روزگار میلہ کا انعقاد 12 فروری کو ملک بھر کے 46 مقامات پر کیا گیا۔ اس سے قبل 30 نومبر 2023 کو روزگار میلہ کا انعقاد کیا گیا تھا اور 51 ہزار نوجوانوں کو پی ایم مودی نے تقرری نامے دیے تھے۔
