راجستھان انتخاب: ’پرانی پنشن ہم دے سکتے ہیں تو بی جے پی کیوں نہیں‘، پرینکا گاندھی کا مرکز پر حملہ
اشوک گہلوت نے کہا کہ اسمبلی انتخاب صرف راجستھان کا نہیں بلکہ مستقبل کا انتخاب ہے، پورے ملک کا فیصلہ اس سے ہونے والا ہے، ہم یہ انتخاب اپنی ترقی کی بنیاد پر لڑیں گے۔
راجستھان میں اسمبلی انتخاب کے پیش نظر سبھی پارٹیوں کے سرکردہ لیڈران انتخابی ریلیاں اور اجلاس کر رہے ہیں۔ جمعہ کو کانگریس جنرل سکریٹری پرینکا گاندھی دوسہ پہنچیں اور پرانی پنشن اسکیم (او پی ایس) پر خاموشی کو لے کر مودی حکومت پر حملہ کیا۔ پرینکا گاندھی نے کہا کہ جب کانگریس حکومت اسے نافذ کر سکتی ہے تو بی جے پی حکومت کیوں نہیں کر سکتی۔ پرینکا گاندھی نے ایک جلسہ عام سے خطاب کرتے ہوئے پی ایم مودی پر مشرقی راجستھان نہر پروجیکٹ (ای آر سی پی) کو لے کر ریاستی عوام کو دھوکہ دینے کا الزام عائد کیا۔
BJP के नेता अपने और अपने उद्योगपति मित्रों के लिए काम कर रहे हैं।
— Rajasthan PCC (@INCRajasthan) October 20, 2023
प्रधानमंत्री मोदी अपने लिए 8 हजार करोड़ का हवाई जहाज खरीदते हैं, लेकिन किसानों का कर्ज माफ करने के लिए उनके पास पैसा नहीं है।
27 हजार करोड़ की इमारत बनवाने के लिए पैसा है, लेकिन पुरानी पेंशन के लिए… pic.twitter.com/Kvoxhm2l15
پرینکا گاندھی نے کہا کہ ’’میں نے ٹی وی پر دیکھا، مجھے نہیں پتہ کہ یہ سچ ہے یا نہیں۔ وزیر اعظم کچھ وقت پہلے ریاست میں دیونارائن جی کے مندر میں گئے تھے اور پیچھے ایک لفافہ چھوڑ گئے تھے۔ چھ ماہ بعد میں نے پھر دیکھا کہ لفافہ کھولا گیا اور عوام سانس روک کر انتظار کر رہی تھی۔ فطری طور پر عوام کو ان کے جیسے قدآور لیڈر سے اچھی خاصی رقم کی امید تھی۔ لیکن انھیں مایوسی تب ہوئی جب لفافے میں 21 روپے کی معمولی رقم ملی تھی۔‘‘
ERCP परियोजना पर BJP के नेता और PM मोदी सिर्फ जुमलेबाजी करते हैं।
— Rajasthan PCC (@INCRajasthan) October 20, 2023
: राजस्थान के दौसा में @priyankagandhi जी pic.twitter.com/0iMeesfPZC
کانگریس جنرل سکریٹری نے کہا کہ افسوسناک بات ہے کہ ملک کہاں جا رہا ہے؟ بڑے بڑے اعلانات کیے جا رہے ہیں، اسٹیج پر کھڑے ہو کر طرح طرح کے لفافے دکھائے جا رہے ہیں۔ جب آپ انھیں کھولتے ہیں، جب انتخاب ختم ہو جاتے ہیں اور اپنا کام دکھانے کا وقت آتا ہے، تو کچھ نہیں ہوتا ہے۔ مشرقی راجستھان نہر پروجیکٹ کا وعدہ بھی اسی طرح کیا گیا تھا۔
प्रधानमंत्री मोदी यहां आकर कहते हैं- आप मेरे नाम पर वोट डालिए।
— Rajasthan PCC (@INCRajasthan) October 20, 2023
उनसे पूछिए- क्या प्रधानमंत्री का पद छोड़कर राजस्थान के मुख्यमंत्री बनने वाले हैं।
: राजस्थान के दौसा में @priyankagandhi जी pic.twitter.com/r8gT7wp72L
پرینکا گاندھی نے پی ایم مودی پر حملہ آور رخ اختیار کرتے ہوئے کہا کہ ’’بی جے پی کارکنان کہتے ہیں کہ ہمارا چہرہ نریندر مودی ہوں گے۔ عوام کو ان سے پوچھنا چاہیے کہ کیا وہ وزیر اعظم کا عہدہ چھوڑ کر راجستھان کے وزیر اعلیٰ بنیں گے؟ کانگریس لیڈر نے مزید کہا کہ بی جے پی کے کئی لیڈران خود کو مستقبل کا وزیر اعلیٰ بتا رہے ہیں۔ پوری بی جے پی ٹکڑوں میں تقسیم ہے، لیکن کانگریس مضبوطی سے کھڑی ہے اور متحد ہے۔
पीएम मोदी की नीति है- गरीबों से खींचना और उद्योगपतियों को सींचना।
— Rajasthan PCC (@INCRajasthan) October 20, 2023
: राजस्थान के दौसा में @priyankagandhi जी pic.twitter.com/u0qhVSOUIZ
پرینکا گاندھی نے کہا کہ غریبوں سے پیسہ لوٹ کر صنعت کاروں کو دیا جاتا ہے۔ اگر بی جے پی حکومت اقتدار میں آئی تو پرانی پنشن اسکیم کو ختم کر دے گی اور سستا سلنڈر صرف خواب ہی رہ جائے گا۔ منریگا پر انھوں نے کہا کہ مرکزی حکومت نے روزگار نہیں دیا۔ منریگا کا دائرہ تو محدود کر دیا، لیکن روزگار پیدا کرنے میں ناکام رہے ہیں۔ مہنگائی اتنی زیادہ ہے کہ عوام کی جیب میں سوراخ ہو گیا ہے۔ لوگ بازار جاتے ہیں اور خالی ہاتھ لوٹ آتے ہیں۔ جن کمپنیوں سے آپ کو روزگار مل سکتا تھا، انھیں بی جے پی کی مرکزی حکومت نے اپنے صنعت کار دوستوں کو فروخت کر دیا۔
आपके प्रदेश में कांग्रेस की सरकार है। इस सरकार ने आपके जीवन में हर मदद करने का प्रयास किया है।
— Rajasthan PCC (@INCRajasthan) October 20, 2023
अगर आप पिछले 5 साल की सरकार का काम देखेंगे तो आप यह पाएंगे कि कांग्रेस सरकार ने आपके जीवन को मजबूत करने का काम किया है।
: राजस्थान के दौसा में @priyankagandhi जी pic.twitter.com/yEJ5FWXFQI
پرینکا نے گہلوت حکومت کی تعریف کرتے ہوئے کہا کہ ’’مرکز کی خامی بھری پالیسیاں چیزوں کو مشکل بنا رہی ہیں، لیکن گہلوت حکومت آپ کو مشکل حالات سے باہر نکالنے کی کوشش کر رہی ہے۔ ریاستی حکومت کو مہنگائی راحت کیمپ لگانے پڑ رہے ہیں کیونکہ مرکزی حکومت مہنگائی پر قابو نہیں کر پا رہی ہے۔‘‘
اس موقع پر اشوک گہلوت نے جلسہ عام سے خطاب کرتے ہوئے کہا کہ ’’ہم نے 40 لاکھ خواتین کو موبائل فون دیے ہیں۔ اس منصوبہ کے تحت دوسرے مرحلہ میں ایک کروڑ خواتین کو موبائل فون ملیں گے۔‘‘ انھوں نے مزید کہا کہ ’’اسمبلی انتخاب صرف راجستھان کا نہیں، مستقبل کا انتخاب ہے۔ پورے ملک کا فیصلہ اس سے ہوگا۔ ہم یہ انتخاب اپنی ترقی کی بنیاد پر لڑیں گے۔ بی جے پی کہتی ہے کہ صرف کمل ہی اس کا چہرہ ہے، کیا یہ کمل سڑکیں بنائے گا!‘‘