دہلی پبلک اسکول کو بم سے اڑانے کی دھمکی، اسکول کو فوراً کرایا گیا خالی، پولیس تحقیقات شروع
اسکول کو بم سے اڑانے کی دھمکی ملنے کے بعد دہلی پولیس سے لے کر اسکول انتظامیہ تک الرٹ ہے، احتیاطاً سبھی بچوں کو باہر نکالا گیا اور آناً فاناً میں پولیس ٹیم اسکول پہنچ گئی۔
Through RSS Feeds 
دہلی کے آر کے پورم واقع دہلی پبلک اسکول (ڈی پی ایس) کو بم سے اڑانے کی دھمکی موصول ہوئی ہے۔ اس دھمکی کے بعد اسکول میں افرا تفری کا ماحول پیدا ہو گیا۔ خبر رساں ایجنسی اے این آئی نے دہلی پولیس کے حوالے سے جانکاری دیتے ہوئے بتایا کہ آر کے پورم واقع ڈی پی ایس کو کو ایک دھمکی آمیز ای میل ملا ہے۔ اس میں اسکول کو بم سے اڑانے کی دھمکی دی گئی ہے۔
DPS RK Puram receives a threat mail that the school will be blown up with a bomb. The school has been vacated as a precautionary measure. Search by the Police is underway. Nothing found so far: Delhi Police
— ANI (@ANI) February 2, 2024
دھمکی آمیز ای میل موصول ہونے کے بعد دہلی پولیس کے ساتھ ساتھ اسکول انتظامیہ بھی الرٹ ہو گئی۔ احتیاطاً فوری طور پر بچوں کو باہر نکالا گیا اور آناً فاناً میں پولیس ٹیم بھی اسکول پہنچ گئی ہے۔ پولیس نے تحقیقات بھی شروع کر دی ہے، حالانکہ فی الحال کسی بھی طرح کا دھماکہ خیز مادہ برآمد نہیں ہوا ہے۔
واضح رہے کہ گزشتہ سال ستمبر ماہ میں آر کے پورم کے ہی لال بہادر شاستری اسکول کے احاطہ میں بم ہونے کی خبر پر مشتمل ای میل موصول ہوئی تھی، لیکن بعد میں یہ خبر افواہ ثابت ہوئی۔ کچھ اسی طرح کا معاملہ گزشتہ سال مئی میں بھی پیش آیا تھا جب متھرا روڈ کے دہلی پبلک اسکول (ڈی پی ایس) میں بم کی خبر دیتے ہوئے ای میل موصول ہوئی تھی، لیکن یہ بھی محض افواہ ہی تھی۔
