دہلی-این سی آر میں پھر آیا زلزلہ، تیز جھٹکوں سے لوگ دہشت میں
پیر کی شام آئے زلزلہ کے تیز جھٹکوں کے بعد لوگ اپنے گھروں اور دفاتر سے باہر نکل کر خالی میدان میں پہنچ گئے، زلزلہ کے جھٹکے 4.18 بجے محسوس کیے گئے جس کی شدت ریکٹر پیمانہ پر 5.6 رہی۔
Through RSS Feeds 
دہلی-این سی آر میں ایک بار پھر زلزلہ کے تیز جھٹکے محسوس کیے گئے ہیں۔ گزشتہ تین دنوں میں دوسری بار آئے اس زلزلہ سے لوگوں میں زبردست دہشت پھیل گئی ہے۔ پیر کی شام آئے زلزلہ کے تیز جھٹکوں کے بعد لوگ اپنے گھروں اور دفاتر سے باہر نکل کر خالی میدان میں پہنچ گئے۔ زلزلہ کا جھٹکا شام 4 بج کر 18 منٹ پر محسوس کیا گیا، جس کی شدت ریکٹر پیمانے پر 5.6 درج کی گئی ہے۔
تازہ زلزلہ کا مرکز بھی نیپال بتایا جا رہا ہے اور اس کی گہرائی 10 کلومیٹر تھی۔ فی الحال اس زلزلہ سے کسی جانی و مالی نقصان کی خبر سامنے نہیں آئی ہے۔ حالانکہ لوگوں میں بار بار آ رہے زلزلہ سے ایک خوف پیدا ہو گیا ہے۔
