خاتون ریزرویشن قانون جلد نافذ کرنے کے لیے جنگ شروع کرے گا ’انڈیا اتحاد‘: سونیا گاندھی
سونیا گاندھی نے کہا کہ خاتون ریزرویشن بل ہم سبھی کی انتھک محنت اور کوششوں کے سبب پاس ہو گیا ہے، لیکن ہم سبھی جانتے ہیں کہ اس سمت میں اب بھی ایک طویل راستہ طے کرنا باقی ہے۔
Through RSS Feeds 
کانگریس کی سابق صدر سونیا گاندھی نے خاتون ریزرویشن بل جلد از جلد نافذ کرنے کے لیے جنگ شروع کیے جانے کا اعلان کیا ہے۔ انھوں نے ہفتہ کے روز اپنے ایک بیان میں کہا کہ اپوزیشن اتحاد ’انڈیا‘ پارلیمنٹ میں حال ہی میں پاس خاتون ریزرویشن قانون کو نافذ کرنے کے لیے جنگ شروع کرے گا۔ انھوں نے یہ بیان تمل ناڈو میں برسراقتدار ڈی ایم کے کے ذریعہ چنئی میں منعقد ’خاتون حقوق سمیلن‘ سے خطاب کرتے ہوئے دیا۔
The last 9 years have seen a sustained effort on the part of the Modi govt to turn our women purely into symbols, to be counted only in their restricted traditional roles in a patriarchal framework.
— Congress (@INCIndia) October 14, 2023
I am confident that we, the like-minded INDIA parties, can and will take the… pic.twitter.com/ajQOYjXDKC
تقریب میں شریک عوام سے خطاب کرتے ہوئے سونیا گاندھی نے کہا کہ آنجہانی راجیو گاندھی پنچایتی راج میں خواتین کے لیے تاریخی 33 فیصد ریزرویشن لائے، جس نے زمینی سطح پر خواتین کی قیادت کو فروغ دیا اور ایک طرح سے نئی فضا قائم کی۔ سونیا گاندھی نے کہا کہ یہ قانون ساز اداروں میں ایک تہائی سیٹ پر ریزرویشن کی سمت میں ایک اہم قدم تھا۔ کانگریس پارلیمنٹ کے اندر اور باہر ہر جگہ خاتون ریزرویشن کی راہ نما رہی ہے۔
Rajivji (Shri Rajiv Gandhi) brought in the historic 33% reservation for women in Panchayati Raj and local self-governments.
— Congress (@INCIndia) October 14, 2023
This spurred an entirely new phenomenon of women entering roles of leadership at the grass-root level. It was a vital stepping stone towards the… pic.twitter.com/YmlSuamVLl
سونیا گاندھی کا کہنا ہے کہ اب خاتون ریزرویشن بل بالآخر صرف کانگریس ہی نہیں، بلکہ ہم سبھی کی انتھک محنت اور کوششوں کے سبب پاس ہو گیا ہے۔ لیکن ہم سبھی جانتے ہیں کہ اس سمت میں اب بھی ایک طویل راستہ طے کرنا باقی ہے۔ انھوں نے بل کے حقیقی صورت میں نفاذ پر اپوزیشن اراکین پارلیمنٹ کے ذریعہ پارلیمنٹ میں اٹھائے گئے سوالات کی طرف توجہ دلائی اور پوچھا کہ کیا اس (قانون) پر عمل ایک سال، دو سال یا تین سال میں ہوگا؟ سونیا گاندھی نے کہا کہ ’’ہمیں کوئی اندازہ نہیں ہے۔ حالانکہ کچھ مرد خوش ہیں، لیکن ہم خوش نہیں ہیں، ہم خواتین خوش نہیں ہیں۔‘‘
He (Shri M. Karunanidhi) was a champion of gender equality. He believed in equality for all, regardless of faith, caste, language, or region. He was a leader who believed deeply in the upliftment of the deprived.
— Congress (@INCIndia) October 14, 2023
: CPP Chairperson Smt. Sonia Gandhi ji at the Women's Rights… pic.twitter.com/9VEMOeV8V2
سونیا گاندھی نے اپنی بات کو آگے بڑھاتے ہوئے کہا کہ انڈیا اتحاد خاتون ریزرویشن ایکٹ کے جلد نفاذ کے لیے جنگ کرنے جا رہا ہے۔ یو پی اے کی دوسری مدت کار میں پیش کردہ خاتون ریزرویشن بل راجیہ سبھا میں پاس ہو گیا تھا، لیکن عام اتفاق کی کمی کے سبب اسے لوک سبھا میں لایا نہیں جا سکا تھا۔ لیکن اب جبکہ یہ پارلیمنٹ سے پاس ہو گیا ہے تو اس کو جلد از جلد نافذ کرنے کی کوششیں کی جائیں گی۔
