تلنگانہ: انتخابی تشہیر کے دوران بی آر ایس رکن پارلیمنٹ پر چاقو سے حملہ، اسپتال میں داخل
حملہ کے بعد رکن پارلیمنٹ پربھاکر ریڈی کے حامیوں نے حملہ کرنے والے کو پکڑ لیا اور اس کی پٹائی کر دی، حملہ آور کی شناخت راجو کی شکل میں ہوئی، حملے کے پیچھے کا مقصد پتہ نہیں چل پایا ہے۔
Through RSS Feeds 
تلنگانہ اسمبلی انتخاب کے لیے پیر کو سدی پیٹ ضلع میں انتخابی تشہیر کے دوران بھارت راشٹر سمیتی (بی آر ایس) امیدوار اور رکن پارلیمنٹ کے. پربھاکر ریڈی پر بھیڑ میں سے ایک شخص نے چاقو سے حملہ کر دیا۔ حملے میں ریڈی زخمی ہو گئے جس کے بعد انھیں آناً فاناً میں اسپتال میں داخل کرایا گیا ہے، جہاں وہ اب خطرے سے باہر بتاے جا رہے ہیں۔
STORY | BRS leader Kotha Prabhakar Reddy was allegedly stabbed by an unidentified man during a poll campaign in Surampalli village in Andhra Pradesh. His supporters, who were present, caught hold of the purported accused and thrashed him.
— Press Trust of India (@PTI_News) October 30, 2023
READ: https://t.co/BppYWyfuhm
VIDEO: pic.twitter.com/x7izKJwQ0J
سدی پیٹ میں بی آر ایس رکن پارلیمنٹ کوٹھا پربھاکر ریڈی پر ہوئے حملے پر تلنگانہ کی گورنر ڈاکٹر تملسائی سوندریہ راجن نے کہا کہ ’’جمہوریت میں تشدد کی کوئی جگہ نہیں ہے اور ایسے واقعات جمہوریت کے لیے خطرہ ہیں۔‘‘ گورنر نے ڈی جی پی کو انتخابی مدت کے دوران انتخاب لڑنے والے امیدواروں اور انتخابی تشہیر کرنے والوں کی جانچ و سیکورٹی یقینی کرنے کے لیے سخت قدم اٹھانے کی ہدایت دی ہے۔
واقعہ دولت آباد ڈویژن کے سرمپلی گاؤں میں اس وقت ہوئی جب میڈک سے لوک سبھا رکن اور اسمبلی انتخاب میں بی آر ایس امیدوار کے. پربھاکر ریڈی ایک گھر سے باہر آ رہے تھے، جب حملہ آور نے ان کے پیٹ میں چاقو مار دیا۔ واقعہ کے بعد وہاں افرا تفری مچ گئی۔
On the attack on BRS MP Kotha Prabhakar Reddy in Siddipet, Telangana Governor Dr.Tamilisai Soundararajan says, "Violence has no place in democracy, and such incidents are a threat to the democratic process."
— ANI (@ANI) October 30, 2023
The Governor directs the DGP to take stringent measures to investigate…
حملے کے بعد ریڈی کو شروع میں گجویل اسپتال لے جایا گیا، لیکن وہاں سے حیدر آباد کے لیے منتقل کر دیا گیا۔ حملے کے بعد رکن پارلیمنٹ کے حامیوں نے شخص کو پکڑ لیا اور اس کی پٹائی کر دی۔ حملہ آور کی شناخت راجو کی شکل میں ہوئی۔ حملے کے پیچھے کا مقصد فوری طور پر پتہ نہیں چل پایا ہے۔ پولیس نے حملہ آور کو گرفتار کر لیا اور جانچ شروع کر دی۔
