ترکیے: استنبول کورٹ ہاؤس پر حملہ کی کوشش، سیکورٹی اہلکاروں کی مستعدی سے 2 حملہ آور ہلاک، 5 افراد زخمی
ترکیے کے وزیر داخلہ علی یرلکایا نے بتایا کہ منگل کو استنبول کی ایک عدالت میں 2 لوگوں نے حملے کی کوشش کی تھی، جس کے بعد سیکورٹی اہلکاروں کے ذریعہ انھیں موقع پر ہی ہلاک کر دیا گیا۔
Through RSS Feeds 
ترکیے کی ایک عدالت میں اس وقت افرا تفری کا ماحول پیدا ہو گیا جب دو حملہ آوروں نے استنبول کورٹ ہاؤس پر حملہ کرنے کی کوشش کی۔ اس کوشش کو مستعد سیکورٹی اہلکاروں نے ناکام بنا دیا جنھوں نے فوری کارروائی کرتے ہوئے دونوں حملہ آوروں کو موت کی نیند سلا دیا۔ حالانکہ اس واقعہ میں 5 افراد زخمی ہوئے ہیں جنھیں علاج کے لیے قریبی اسپتال میں داخل کرایا گیا ہے۔
اس واقعہ کے تعلق سے ترکیے کے وزیر داخلہ علی یرلکایا کا بیان بھی سامنے آ گیا ہے۔ انھوں نے بتایا کہ منگل کو استنبول کی ایک عدالت میں دو لوگوں نے حملے کی کوشش کی تھی۔ سیکورٹی اہلکاروں نے انھیں موقع پر ہی مار گرایا اور حملہ آور کی کوشش کو ناکام بنا دیا۔
استنبول میں دہشت گردی
— ترکیہ اردو (@TurkiyeUrdu_) February 6, 2024
دو دہشت گردوں کا استنبول عدالت کی عمارت کے سامنے چیک پوائنٹ پر حملہ ۔
پولیس کے بروقت جوابی ایکشن سے دونوں دہشت گرد مارے گئے
دہشت گردوں کی فائرنگ سے تین پولیس اہلکار اور تین شہری زخمی ہوگئے۔ pic.twitter.com/PhTNmxNbkN
وزیر داخلہ نے سوشل میڈیا پلیٹ فارم ’ایکس‘ پر ایک پوسٹ کر اس واقعہ سے متعلق جانکاری دیتے ہوئے لکھا کہ ’’منگل کی صبح کیگلائن کورٹ ہاؤس میں ایک سیکورٹی چوکی پر حملے کی کوشش کی گئی۔ اس حملے میں شامل مرد اور عورت کی موت ہو گئی۔ اس حادثہ میں تین پولیس اہلکاروں سمیت 5 افراد زخمی ہوئے ہیں۔‘‘ انھوں نے سیکورٹی اہلکاروں کو ان کی کارکردگی کے لیے مبارکباد بھی پیش کی۔ ساتھ ہی وزیر داخلہ علی نے کہا کہ ’’میں ہمارے زخمیوں کی جلد صحت یابی کی دعا کرتا ہوں۔‘‘
