’اروند کیجریوال کی ضمانت پر رہائی جمہوریت کی جیت‘، مختلف پارٹیوں کے لیڈران نے عدالتی فیصلے کا کیا استقبال
پون کھیڑا نے کہا کہ ’’ہم سپریم کورٹ کے اس فیصلے کا خیر مقدم کرتے ہیں۔ 4 جون کے بعد نریندر مودی جی کو وقت ملے گا تاکہ وہ خود کا جائزہ لیں سکیں اور سمجھیں کہ وہ کس طرح کی سیاست کرتے ہیں۔‘‘
Through RSS Feeds 
دہلی آبکاری پالیسی معاملے میں اروند کیجریوال کو ملنے والی عبوری ضمانت کا مختلف پارٹیوں کے لیڈران نے استقبال کیا ہے۔ این سی پی-ایس پی کے سربراہ شردپوار، کانگریس میڈیا و پبلیسٹی شعبے کے سربراہ پون کھیڑا، ترنمول کانگریس کی سربراہ ممتا بنرجی، سماجوادی پارٹی کے سربراہ اکھلیش یادو اور شیوسینا-یو بی ٹی کے لیڈر آدتیہ ٹھاکے نے کیجریوال کی رہائی پر خوشی کا اظہار کرتے ہوئے اسے جمہوریت کی فتح قرار دیا ہے۔ کیجریوال کی اہلیہ سنیتا کیجریوال نے بھی اپنے شوہر کی ضمانت پر رد عمل ظاہر کیا ہے۔ انھوں نے اسےعوام کی دعاؤں کا نتیجہ بتایا ہے اور لوگوں کا شکریہ ادا کیا ہے۔
وزیر اعلیٰ کیجریوال کو عبوری ضمانت ملنے پر کانگریس کی جانب سے میڈیا و پبلیسٹی شعبے کے سربراہ پون کھیڑا نے استقبال کرتے ہوئے کہا کہ ہم سپریم کورٹ کے اس فیصلے کا خیر مقدم کرتے ہیں۔ 4 جون کے بعد نریندر مودی جی کو وقت ملے گا تاکہ وہ خود کا جائزہ لیں سکیں کہ وہ کس طرح کی سیاست کرتے ہیں۔ پون کھیڑا نے مزید کہا ہے کہ ہم امید کرتے ہیں جھارکھنڈ کے سابق وزیر اعلیٰ ہیمنت سورین کو بھی جلد ہی انصاف ملے گا۔
सर्वोच्च न्यायालय द्वारा अरविंद केजरीवाल जी को राहत मिली है, हम इस निर्णय का स्वागत करते हैं।
— Congress (@INCIndia) May 10, 2024
4 जून के बाद नरेंद्र मोदी जी को समय मिलेगा कि वह आत्मचिंतन करें, कि वह किस तरह की राजनीति करते हैं।
हम उम्मीद करते हैं कि झारखंड के पूर्व मुख्यमंत्री हेमंत सोरेन जी को भी जल्दी ही… pic.twitter.com/cvMBoaVXZT
این سی پی-ایس پی کے سربراہ شرد پوار نے کہا ہے کہ میں سپریم کورٹ کی طرف سے دہلی کے وزیر اعلی اروند کیجریوال کو دیے گئے عبوری ضمانت کے حکم کا خیر مقدم کرتا ہوں۔ انہوں نے پارٹی کے ’ایکس‘ ہینڈل پر ایک پوسٹ کیا ہے جس میں لکھا ہے کہ ہندوستان جمہوریت کی بقاء اور اس کے قدروں کے تحفظ کے لیے پرعزم ہے۔
ترنمول کانگریس کی سربراہ ممتا بنرجی نے کیجریوال کی ضمانت پر رِہائی کی خبر ملنے کے بعد اس فیصلے کا استقبال کیا ہے۔ انہوں نے بھی ’ایکس‘ پر ایک پوسٹ کیا ہے جس میں کہا ہے کہ اس (فیصلے) سے ہمیں خوشی ہوئی ہے۔ اپنی پوسٹ میں انہوں نے مزید لکھا ہے کہ موجودہ انتخابات کے پیشِ نظر سپریم کورٹ کا یہ فیصلہ اچھے اثرات مرتب کرے گا۔
I welcome the interim bail order granted to Chief Minister of Delhi, Arvind Kejriwal by the SC. India remains steadfast in the pursuit of democracy.
— Sharad Pawar (@PawarSpeaks) May 10, 2024
I am very happy to see that Shri Arvind Kejriwal @ArvindKejriwal has got interim bail. It will be very helpful in the context of the current elections.
— Mamata Banerjee (@MamataOfficial) May 10, 2024
شیوسینا-یو بی ٹی کے لیڈر آدتیہ ٹھاکرے نے کیجریوال کی ضمانت پر رہائی کو ملک میں تبدیلی کی ہوا کی ایک بڑی علامت قرار دیا ہے۔ سوشل میڈیا پلیٹ فارم ’ایکس‘ پر پوسٹ کرتے ہوئے انہوں نے کہا ہے کہ ملک میں آمرانہ حکومت کے خلاف انصاف اور راحت کا ملنا تبدیلی کی ہوا کی ایک بڑی علامت ہے۔ انہوں نے مزید کہا کہ کیجریوال سچ بول رہے ہیں اور بی جے پی کو یہ بات ناپسند ہے۔ اب کیجریوال کی رِہائی سے انڈیا بلاک کو مزید طاقت ملے گی۔ آدتیہ ٹھاکرے نے آئین اور جمہوریت کی حفاظت کرنے کا عزم بھی ظاہر کیا۔
@ArvindKejriwal ji getting justice and relief against dictatorial regime in the country is a huge sign of winds of change.
— Aaditya Thackeray (@AUThackeray) May 10, 2024
He has been speaking the truth and that is what the bjp dislikes.
More power to him and the INDIA alliance for Bharat.
We will protect our…
سماجوادی پارٹی سربراہ اور یوپی کے سابق وزیر اعلیٰ اکھلیش یادو نے بھی کیجریوال کی ضمانت پر رہائی کا استقبال کیا ہے۔ ’ایکس‘ پر پوسٹ کرتے ہوئے انہوں نے لکھا ہے کہ دہلی کے ہردلعزیز وزیر اعلیٰ اروند کیجریوال کی ضمانت سچائی کی ایک اور جیت ہے۔ ’انڈیا بلاک‘ کی طاقت اور اتحاد بی جے پی کی پریشانی اور مصائب میں مبتلا کرنے والی حکومت سے ہندوستان کی عوام کو آزادی دلانے جا رہی ہے۔ متحد ہو کر ووٹنگ کا عہد کریں۔
दिल्ली के लोकप्रिय मुख्यमंत्री श्री अरविंद केजरीवाल जी की जमानत सत्य की एक और जीत है।
— Akhilesh Yadav (@yadavakhilesh) May 10, 2024
‘इंडिया गठबंधन’ की शक्ति और एकजुटता भाजपा के दुख-दर्द देनेवाले राज से भारत की जनता को मुक्ति दिलवाने जा रही है।
एकजुट होकर मतदान का संकल्प लें! #कभी_नहीं_चाहिए_भाजपा pic.twitter.com/mguhUOYyoW
اروند کیجریوال کی عبوری ضمانت پر ان کی اہلیہ سنیتا کیجریوال نے اپنا ردعمل ظاہر کرتے ہوئے ’ہنومان کی جے‘ نعرہ بلند کیا۔ ساتھ ہی انھوں نے کہا کہ یہ جمہوریت کی جیت ہے، یہ لاکھوں لوگوں کی دعاؤں اور نیک خواہشات کا نتیجہ ہے۔ واضح رہے کہ دہلی کے وزیر اعلی اروند کیجریوال کو سپریم کورٹ کی دو ججوں کی بنچ نے عبوری ضمانت دے دی ہے۔ عدالت نے انہیں 2 جون کو خود سپردگی کرنے کے لیے کہا ہے۔ عبوری ضمانت دیتے ہوئے سپریم کورٹ نے یہ بھی کہا کہ وہ جلد ہی کیجریوال کی گرفتاری کو چیلنج کرنے والے پورے کیس کی سماعت کرے گا۔
