اروناچل پردیش اسمبلی الیکشن 2024: کانگریس نے 34 سیٹوں کے لیے امیدواروں کا کیا اعلان، 19 اپریل کو ہوگی ووٹنگ
اروناچل پردیش کے موجودہ وزیر اعلیٰ اور بی جے پی امیدوار پیما کھانڈو کے خلاف کانگریس نے سنہے پھنتسوک کو میدان میں اتارا ہے۔
Through RSS Feeds 
ایک طرف لوک سبھا انتخاب 2024 کو لے کر ہلچل بڑھی ہوئی ہے، اور دوسری طرف کچھ ریاستوں میں اسمبلی انتخابات بھی کرائے جانے کا اعلان ہو چکا ہے۔ ان ریاستوں میں اروناچل پردیش بھی شامل ہے جہاں اسمبلی کی 60 نشستیں ہیں۔ کانگریس نے ان 60 نشستوں میں سے 34 نشستوں کے لیے آج امیدواروں کا اعلان کر دیا ہے۔
1st phase of contesting INC MLA candidates of Arunachal Pradesh has been announced and published today.
— Arunachal Congress (@INCArunachal) March 21, 2024
On behalf of APCC President Shri @NabamtukiAP congratulates all the official INC MLA candidates and wishes them the best of luck. @RahulGandhi@kharge@DrAChellaKumar, pic.twitter.com/iNTGZkCn5z
قابل ذکر ہے کہ لوک سبھا انتخاب کے ساتھ ساتھ 4 ریاستوں میں اسمبلی انتخابات ہونے ہیں۔ اروناچل پردیش میں اسمبلی کی سبھی 60 سیٹوں کے لیے 19 اپریل کو ووٹ ڈالے جائیں گے۔ غور کرنے والی بات یہ ہے کہ لوک سبھا انتخاب کے پیش نظر پہلے مرحلہ کی ووٹنگ بھی 19 اپریل کو ہی ہوگی اور اروناچل پردیش میں 2 پارلیمانی سیٹوں کے لیے بھی اسی دن ووٹ ڈالے جائیں گے۔ اروناچل کے علاوہ سکم، اڈیشہ اور آندھرا پردیش ایسی ریاستیں ہیں جہاں لوک سبھا انتخاب کے ساتھ اسمبلی انتخابات بھی ہو رہے ہیں۔
بہرحال، کانگریس نے 34 امیدواروں کی جو فہرست جاری کی ہے اس کے مطابق اروناچل کے موجودہ وزیر اعلیٰ اور بی جے پی امیدوار پیما کھانڈو کے خلاف کانگریس نے سنہے پھنتسوک کو ٹکٹ دیا ہے۔ اروناچل پردیش مہیلا کانگریس کی صدر مرینا کینگلانگ کو چنگلانگ شمال سیٹ سے میدان میں اتارا گیا ہے۔ ان کا مقابلہ بی جے پی کے تیسم پونگتے سے ہوگا۔ بی جے پی ریاست کی سبھی 60 اسمبلی سیٹوں پر امیدوار اتارنے کا اعلان پہلے ہی کر چکی ہے۔ آئیے نیچے دیکھیں کانگریس کے 34 امیدواروں کی مکمل فہرست...
