آئی پی ایل 2024: ممبئی انڈینز نے اٹھایا بڑا قدم، روہت شرما کی جگہ ہاردک پانڈیا کو بنایا کپتان
ممبئی انڈینز نے اپنی آفیشیل ویب سائٹ پر بیان جاری کر ہاردک پانڈیا کو کپتان بنانے کی اطلاع دی ہے، بیان میں لکھا گیا ہے کہ ’’آل راؤنڈر ہاردک پانڈیا اگلے سیزن میں کپتانی کریں گے۔‘‘
Through RSS Feeds 
ممبئی انڈینز نے آئی پی ایل 2024 سے ٹھیک پہلے ایک بڑا اعلان کیا ہے۔ فرنچائزی نے روہت شرما کی جگہ ہاردک پانڈیا کو کپتان بنانے کا فیصلہ کر لیا ہے، یعنی آئندہ آئی پی ایل میں روہت شرما کی جگہ میدان پر ہاردک پانڈیا کپتانی کرتے ہوئے نظر آئیں گے۔ روہت طویل مدت سے ممبئی انڈینز کی کپتانی سنبھال رہے تھے۔ ممبئی نے ان کی کپتانی میں پانچ مرتبہ آئی پی ایل خطاب جیتا، لیکن اب روہت کو کپتانی کی ذمہ داری سے آزاد کر دیا گیا ہے۔
To new beginnings. Good luck, #CaptainPandya pic.twitter.com/qRH9ABz1PY
— Mumbai Indians (@mipaltan) December 15, 2023
ممبئی نے اپنی آفیشیل ویب سائٹ پر بیان جاری کر کے پانڈیا کو کپتان بنانے کی جانکاری دی ہے۔ ممبئی انڈینز نے اپنے بیان میں لکھا ہے کہ ’’ممبئی انڈینز ٹیم آج کپتانی میں تبدیلی کو لے کر اعلان کر رہی ہے۔ آل راؤنڈر ہاردک پانڈیا اگلے سیزن میں کپتانی کریں گے۔ روہت شرما کی کپتانی میں ممبئی اب تک کامیاب رہی ہے۔ ہماری ٹیم روہت شرما کے تئیں شکرگزار ہے۔ ان کی 2013 سے اب تک کی مدت کار شاندار رہی ہے۔ وہ آئی پی ایل تاریخ کے بہترین کپتانوں میں سے ایک ہیں۔‘‘
