’ہندوستان معاشی تباہی کی طرف گامزن‘، امریکہ میں راہل گاندھی نے موجودہ حالات پر فکر کا کیا اظہار
راہل گاندھی نے زور دیتے ہوئے کہا کہ مستقبل میں مواقع کی کمی، بے روزگاری اور تعلیمی نظام سے متعلق تشویش ایسے بڑے چیلنج ہیں جنہیں نظر انداز نہیں کیا جا سکتا اور ان پر فوری توجہ دینے کی ضرورت ہے۔
کانگریس رکن پارلیمنٹ اور لوک سبھا میں حزب اختلاف کے قائد راہل گاندھی امریکہ دورہ پر ہیں اور کولمبیا یونیورسٹی میں خطاب کرتے ہوئے انھوں نے ہندوستان کے معاشی مستقبل سے متعلق اپنی شدید تشویش ظاہر کی۔ انہوں نے ملک میں بڑے پیمانے پر بے روزگاری اور تعلیمی نظام میں موجود خامیوں کی طرف اشارہ کرتے ہوئے کہا کہ ہندوستان ایک بڑے معاشی بحران کی طرف بڑھ رہا ہے، جس کی وجہ بڑے پیمانے پر بے روزگاری اور تعلیمی نظام سے جڑی خامیاں ہیں۔
लोकसभा में नेता प्रतिपक्ष राहुल गांधी इस समय अमेरिका दौरे पर हैं. उन्होंने कोलंबिया यूनिवर्सिटी में छात्रों से भारत को लेकर बात की. राहुल गांधी ने भारत की आर्थिक हालत पर एक बड़ा बयान दे दिया है. उन्होंने भारत को एक आर्थिक आपदा की कगार पर खड़ा बताया
— AajTak (@aajtak) November 18, 2026
पूरी खबर… pic.twitter.com/OEjjmm57lL
کولمبیا یونیورسٹی میں ایک پروگرام کے دوران خطاب کرتے ہوئے راہل گاندھی نے کہا کہ ’’سیدھی بات یہ ہے کہ ہندوستان ایک معاشی تباہی کے دہانے پر کھڑا ہے۔ یہی حقیقت ہے۔ میڈیا اس طرف توجہ نہیں دے رہا، لیکن ہندوستان میں بے روزگاری کا ایک بہت بڑا مسئلہ ہے۔ ہندوستان کے تعلیمی نظام میں بھی ایک بہت بڑا مسئلہ ہے۔‘‘
راہل گاندھی نے ہندوستانی نوجوانوں کے بارے میں ماڈریٹر لیڈیا پولگرین کے ایک سوال کے جواب میں کہا کہ نوجوانوں کا ایک طبقہ، جو موجودہ حالات پر مایوسی کا اظہار کر رہا ہے، متوسط طبقے کے خاندانوں سے تعلق رکھتا ہے اور اس نے باقاعدہ تعلیم حاصل کی ہے۔ نوجوانوں میں اس مایوسی کی بنیادی وجہ یہ ہے کہ انہیں اپنا کوئی مستقبل نظر نہیں آتا۔ انہوں نے واضح لفطوں میں کہا کہ ’’ہم اس پر مطالعہ کر رہے ہیں، اسے سمجھنے کی کوشش کر رہے ہیں، اور اس کی وجہ کافی دلچسپ ہے۔ اصل بات یہ ہے کہ انہیں اپنا کوئی مستقبل نظر نہیں آ رہا ہے۔‘‘
"भारत आर्थिक आपदा के मुहाने पर खड़ा है"
— News24 (@news24tvchannel) November 18, 2026
◆ अमेरिका की कोलंबिया यूनिवर्सिटी में राहुल गांधी ने कहा@RahulGandhi | #RahulGandhi | Rahul Gandhi | Columbia University pic.twitter.com/cMNbmkc8Pv
روزگار اور پیشہ اختیار کرنے کے مواقع کے سلسلے میں نوجوانوں اور ان کے والدین کے درمیان بڑھتے فاصلے کی وضاحت کرتے ہوئے راہل گاندھی نے کہا کہ نئی نسل، گزشتہ نسل کے مشوروں اور تجربات پر سوال اٹھا رہی ہے۔ نوجوانوں اور ان کے والدین کے درمیان پیشے اور روزگار کے تعلق سے سوچ کا فرق بڑھ رہا ہے۔ وہ یہ بھی کہتے ہیں کہ نوجوان دراصل اپنے والدین سے یہی کہہ رہے ہیں اور ہمیں یہ بات خود والدین سے سننے کو مل رہی ہے کہ دیکھیے، آپ خود کامیاب نہیں ہیں، آپ کے پاس کوئی ملازمت نہیں ہے، اس لیے آپ ہمیں وہ کرنے کے لیے نہیں کہہ سکتے جو آپ نے کیا تھا، کیونکہ وہ طریقہ اب کام نہیں کرتا۔‘‘ انہوں نے زور دیتے ہوئے کہا کہ مستقبل میں مواقع کی کمی، بے روزگاری اور تعلیمی نظام سے متعلق تشویش ایسے بڑے چیلنج ہیں جنہیں نظر انداز نہیں کیا جا سکتا اور ان پر فوری توجہ دینے کی ضرورت ہے۔