چھتیس گڑھ میں ’محبت والی ٹرین یاترا‘ کے دوران ہندوستان کی جھلک نظر آئی: راہل گاندھی
کانگریس لیڈر راہل گاندھی نے بلاس پور سے رائے پور تک ٹرین کے سفر کی ویڈیو شیئر کرتے ہوئے کہا ہے کہ انہیں ٹرین کے اس مختصر سفر میں ہندوستان کی جھلک نظر آئی
Through RSS Feeds 
نئی دہلی: کانگریس لیڈر راہل گاندھی نے بلاس پور سے رائے پور تک ٹرین کے سفر کی ویڈیو شیئر کرتے ہوئے کہا ہے کہ انہیں ٹرین کے اس مختصر سفر میں ہندوستان کی جھلک نظر آئی۔ انہوں نے کہا کہ انڈین ریل ملک کی متنوع روایات کو ظاہر کرتی ہے اور یہ ہندوستان کا عکس ہے۔
خیال رہے کہ حال ہی میں راہل گاندھی چھتیس گڑھ کے دورے پر تھے جہاں انہوں نے ٹرین سے سفر کیا تھا۔ اس دوران انہوں نے مسافروں سے ان کے مسائل کے بارے میں بھی بات کی تھی۔ راہل گاندھی نے ٹرین میں موجود خواتین ہاکی کھلاڑیوں سے بھی بات کی تھی اور ان کی ٹریننگ اور انہیں ملنے والی سہولیات کے بارے میں بھی پوچھا تھا۔
बिलासपुर से रायपुर तक छोटी सी रेल यात्रा में दिखी भारत की झलक!
— Rahul Gandhi (@RahulGandhi) October 3, 2023
करोड़ों लोगों को मंज़िलों तक पहुंचाती, देश की विविधता को दर्शाती - सही मायने में भारत का प्रतिबिंब है, भारतीय रेल।https://t.co/NACCpb87iA pic.twitter.com/EmZVy5Bqto
ویڈیو کو ایکس (سابقہ ٹوئٹر) پر شیئر کرتے ہوئے راہل گاندھی نے لکھا ’’بلاس پور سے رائے پور تک چھوٹی سی ریل یاترا میں ہندوستان کی جھلک نظر آئی۔ کروڑوں لوگوں کو منزلوں تک پہنچانے والی اور ملک کے تنوع کو ظاہر کرنے والی انڈن ریل حقیقت معنی میں ہندوستان کا عکس ہے۔‘‘
