پچھلے 10 سال-انیائے کال: کانگریس نے 28 شہروں میں پریس کانفرنس کر شمار کرائی مودی حکومت کی ناکامی

آج کانگریس نے ہندوستان کے 28 شہروں میں پریس کانفرنس کر 10 سالہ مودی حکومت کی ناکامیوں کو عوام کے سامنے رکھا اور بتایا کہ کس طرح ہندوستانی عوام کو ان 10 سالوں میں بے پناہ نقصان اٹھانا پڑا۔

پچھلے 10 سال-انیائے کال: کانگریس نے 28 شہروں میں پریس کانفرنس کر شمار کرائی مودی حکومت کی ناکامی

کانگریس نے آج ملک کے کئی شہروں میں پریس کانفرنس کر مرکز کی مودی حکومت کے 10 سال کو ’انیائے کال‘ (ناانصافی کا دور) قرار دیا۔ کانگریس کے سرکردہ لیڈران نے الگ الگ شہروں میں پریس کانفرنس کر نہ صرف مودی حکومت کی ناکامیاں بتائیں، بلکہ یہ بھی ظاہر کیا کہ کس طرح سے گزشتہ 10 سال عوام کے لیے نقصان دہ ثابت ہوئے۔

آج کانگریس لیڈران نے ہندوستان کے 28 مختلف شہروں میں پریس کانفرنس کر 10 سالہ مودی حکومت کو شدید تنقید کا نشانہ بنایا۔ گزشتہ 10 سالوں کے دوران عوام کے ساتھ ہوئی ناانصافیوں کا تذکرہ ہوا اور ’پچھلے 10 سال-انیائے کال‘ (گزشتہ 10 سال-ناانصافی کا دور) عنوان کے تحت منعقد پریس کانفرنس میں الگ الگ شعبوں میں مودی حکومت کی خراب پالیسیوں و ناکامیوں کو ظاہر کیا گیا۔