پرفل پٹیل کے خلاف بدعنوانی کا مقدمہ بند کیے جانے پر کانگریس نے مودی حکومت کو کٹہرے میں کھڑا کیا
کانگریس لیڈر پون کھیڑا نے طنزیہ انداز میں کہا کہ بی جے پی کے پاس ایسی واشنگ مشین اور پاؤڈر ہے جس میں بدعنوانی کا ملزم جاتا ہے اور بے داغ ہو کر باہر نکلتا ہے۔
Through RSS Feeds 
نئی دہلی: سی بی آئی کے ذریعہ این سی پی لیڈر پرفل پٹیل کے خلاف بدعنوانی کا مقدمہ بند کرنے کو لے کر کانگریس نے مودی حکومت کو کٹہرے میں کھڑا کر دیا ہے۔ کانگریس لیڈر پون کھیڑا نے آج ایک بیان میں کہا کہ بی جے پی جن لیڈروں پر کروڑوں کے گھوٹالے کا الزام لگاتی ہے، انھیں بی جے پی یا این ڈی اے اتحاد میں شامل کرانے کے بعد گھوٹالے کا مقدمہ واپس لے لیے جاتے ہیں۔ انھوں نے مزید کہا کہ بی جے پی نے ہی پرفل پٹیل پر ایئر انڈیا گھوٹالہ کا الزام عائد کیا تھا اور اب جبکہ پٹیل این ڈی اے میں شامل ہو گئے ہیں تو گھوٹالے کا معاملہ بند کر دیا گیا۔
