میڈل لوٹانے جا رہی تھیں ونیش پھوگاٹ، پولیس نے روکا تو راستہ میں رکھ کر چھوڑ دیا ارجن ایوارڈ

خاتون پہلوان ونیش پھوگاٹ ارجن ایوارڈ واپس کرنے پی ایم او جا رہی تھیں جب پولیس نے انھیں روک دیا، روکنے پر ونیش نے ایوارڈ ’کرتویہ پتھ‘ کے باہر رکھ دیا اور واپس لوٹ گئیں۔

Through RSS Feeds Through RSS Feeds
دسمبر 30, 2023 - 19:16
0 0
میڈل لوٹانے جا رہی تھیں ونیش پھوگاٹ، پولیس نے روکا تو راستہ میں رکھ کر چھوڑ دیا ارجن ایوارڈ

ایشین گیمز اور کامن ویلتھ گیمز میں طلائی تمغہ جیتنے والی خاتون پہلوان ونیش پھوگاٹ نے خاتون پہلوانوں کے ساتھ ہو رہے غلط سلوک کے خلاف ایوارڈ واپس کرنے کا اعلان گزشتہ دنوں کیا تھا، آج اس سلسلے میں انھوں نے قدم بھی اٹھا دیا۔ انھوں نے 30 دسمبر کو اپنا ایوارڈ دہلی میں ’کرتویہ پتھ‘ کے باہر رکھ کر چھوڑ دیا۔

دراصل ونیش پھوگاٹ اپنا ارجن ایوارڈ لوٹانے وزیر اعظم دفتر (پی ایم او) جا رہی تھیں۔ راستے میں انھیں پولیس نے روک دیا۔ جب ونیش پھوگاٹ نے دیکھا کہ انھیں پی ایم او جانے کی اجازت نہیں مل رہی ہے، تو انھوں نے اپنا ایوارڈ ’کرتویہ پتھ‘ پر رکھ کر چھوڑ دیا۔ ٹھیک اسی طرح جس طرح کچھ دنوں پہلے بجرنگ پونیا نے اپنا پدم شری ایوارڈ پی ایم او کے راستے میں فٹ پاتھ پر رکھ کر چھوڑ دیا تھا۔

Read More