’’سَنگھ خواتین کو دبا کر رکھتا ہے‘، راہل گاندھی نے آر ایس ایس پر کیا زوردار حملہ

کیرالہ کے وائناڈ لوک سبھا حلقہ کی نمائندگی کرنے والے راہل گاندھی مختلف ریاستوں میں انتخابی تشہیر ختم کرنے کے بعد گزشتہ دو دنوں سے اپنے انتخابی حلقہ وائناڈ میں ہیں اور مختلف تقاریب میں شریک ہو رہے ہیں۔

Through RSS Feeds Through RSS Feeds
دسمبر 1, 2023 - 20:45
0 1
’’سَنگھ خواتین کو دبا کر رکھتا ہے‘، راہل گاندھی نے آر ایس ایس پر کیا زوردار حملہ

کانگریس رکن پارلیمنٹ راہل گاندھی نے جمعہ کے روز کیرالہ کے وائناڈ میں خاتون کانگریس کی ریلی میں آر ایس ایس پر زوردار حملہ کرتے ہوئے کہا کہ ’’سَنگھ (آر ایس ایس) خواتین کو دَبا کر رکھتا ہے اور طے کرتا ہے کہ انھیں کیا پہننا چاہیے اور کیا کرنا چاہیے۔‘‘

خاتون کانگریس کی عظیم الشان ریلی سے خطاب کرتے ہوئے راہل گاندھی نے کہا کہ ’’آر ایس ایس خواتین کے ساتھ اقتدار شیئر نہیں کرتا ہے۔ وہ طے کرتے ہیں کہ خواتین کو کیا پہننا چاہیے اور خواتین کو کیا کرنا چاہیے۔‘‘ اس کے بعد استیج پر بیٹھے لوگوں کی طرف مڑتے ہوئے انھوں نے کہا کہ ’’خواتین کی زبردست بھیڑ دیکھ کر میں بہت خوش ہوں اور مجھے بھیڑ میں مردوں کو پہچاننا مشکل لگ رہا ہے۔ لیکن اسٹیج پر دیکھتا ہوں تو مجھے لگتا ہے کہ اچھی تعداد میں لوگ ہیں۔‘‘

کیرالہ کے وائناڈ لوک سبھا حلقہ کی نمائندگی کرنے والے راہل گاندھی مختلف ریاستوں میں انتخابی تشہیر ختم کرنے کے بعد گزشتہ دو دنوں سے اپنے انتخابی حلقہ وائناڈ میں مختلف تقاریب میں حصہ لینے کے لیے ریاستی دورہ پر ہیں۔ اپنے دورہ کے دوران انھوں نے وائناڈ میں خاتون کانگریس ریلی کا بھی افتتاح کیا۔

Read More