جموں و کشمیر: راجوری میں دہشت گردوں کے ساتھ تصادم میں 2 جوان شہید
پولیس کے مطابق دھرمسال کے باجیمال علاقے میں فوج اور جموں و کشمیر پولیس کی مشترکہ گھیرابندی اور تلاشی مہم کے دوران دہشت گردوں کے ساتھ تصادم شروع ہو گیا جس میں 2 جوان شہید ہو گئے۔
Through RSS Feeds 
جموں و کشمیر کے راجوری ضلع میں بدھ کے روز دہشت گردوں کے ساتھ تصادم کا واقعہ پیش آیا ہے جس میں دو جوانوں کے شہید ہونے کی اطلاع موصول ہو رہی ہے۔ پولیس کا کہنا ہے کہ سیکورٹی فورسز نے جائے وقوع پر دو دہشت گردوں کو گھیر لیا ہے اور کسی بھی وقت ان کی گرفتاری ہو سکتی ہے۔
2 Army personnel killed in encounter with terrorists in Jammu and Kashmir's Rajouri district: Officials
— Press Trust of India (@PTI_News) November 22, 2023
پولیس نے اس واقعہ کے تعلق سے جانکاری دیتے ہوئے بتایا کہ دھرمسال کے باجیمال علاقے میں فوج اور جموں و کشمیر پولیس کی مشترکہ گھیرابندی اور تلاشی مہم کے دوران دہشت گردوں کے ساتھ تصادم شروع ہو گیا۔ افسران کے مطابق تصادم میں ایک افسر اور ایک فوجی کی جان چلی گئی۔ اس تصادم واقعہ میں ایک سیکورٹی اہلکار زخمی بھی ہوا ہے جس کو علاج کے لیے اسپتال لے جایا گیا ہے۔
