جاپان میں زلزلہ کا زوردار جھٹکا، ریکٹر اسکیل پر شدت 7.4، سنامی کا الرٹ جاری
جاپان کے مغربی علاقوں میں سلسلہ وار زلزلہ کے جھٹکوں کے بعد سنامی کا الرٹ جاری کر دیا گیا ہے، اشیکاوا اور آس پاس کے علاقوں میں زلزلوں کی خبر ملی ہے جن میں سے ایک کی شدت 7.4 درج کی گئی ہے۔
Through RSS Feeds 
نئے سال کے پہلے ہی دن جاپان میں زلزلہ کے زوردار جھٹکے محسوس کیے گئے جس سے عوام میں دہشت پھیل گئی ہے۔ پیر کے روز شمال وسطی جاپان میں 7.4 شدت کا زلزلہ محسوس کیا گیا۔ کچھ علاقوں میں سلسلہ وار زلزلوں کے جھٹکے محسوس کیے گئے ہیں۔ اس کے پیش نظر جاپان کے موسمیاتی سائنس ایجنسی نے اشیکاوا، نگاٹا اور ٹویاما کے ساحلی علاقوں میں سونامی کا الرٹ جاری کر دیا ہے۔
Earthquake of Magnitude 7.2 on the Richter Scale strikes near West Coast of Japan: National Center for Seismology pic.twitter.com/y2nzmqiF3U
— ANI (@ANI) January 1, 2024
این ایچ کے کی رپورٹ کے مطابق ہوکوریکو الیکٹرک پاور کا کہنا ہے کہ وہ اپنے نیوکلیائی توانائی پلانٹ میں کسی بھی خرابی کی جانچ کر رہا ہے۔ یہ جاننے کی کوشش کی جا رہی ہے کہ زلزلہ کے جھٹکوں کی وجہ سے اس میں کوئی گڑبڑی تو پیدا نہیں ہوئی ہے۔ موصولہ خبروں میں بتایا جا رہا ہے کہ اشیکاوا اور آس پاس کے علاقوں میں زلزلوں کی خبر ملی ہے جن میں سے ایک کی شدت 7.4 درج کی گئی ہے۔ کچھ زلزلوں کی شدت اس سے کم تھی۔ ایک خبر میں زلزلہ کی شدت 7.2 بھی بتائی گئی ہے۔
