انڈر-19 کرکٹ ورلڈ کپ: نیوزی لینڈ پر ہندوستان کی 214 رنوں سے فتح، مشیر خان جتنا رن بھی نہیں بنائی پائی پوری ٹیم
ہندوستانی بلے باز مشیر خان نے 126 گیندوں پر 131 رنوں کی شاندار اننگ کھیلی، دوسری طرف نیوزی لینڈ کی پوری ٹیم محض 81 رنوں پر پویلین لوٹ گئی، یعنی مشیر خان کے اسکور سے بھی 50 رن پیچھے رہ گئی۔
آئی سی سی انڈر-19 عالمی کپ میں آج ہندوستان اور نیوزی لینڈ ٹیم کے درمیان تاریخی مقابلہ کھیلا گیا جس میں ہندوستان کو 214 رنوں سے فتحیابی حاصل ہوئی۔ دلچسپ بات یہ ہے کہ ایک طرف ہندوستان کے آل راؤنڈر کھلاڑی مشیر خان نے تنہا 126 گیندوں میں 131 رن کی اننگ کھیلی اور دوسری طرف نیوزی لینڈ کی پوری ٹیم محض 81 رنوں پر سمٹ گئی۔ یعنی نیوزی لینڈ کی انڈر-19 کرکٹ ٹیم مشیر خان کے ذاتی اسکور سے بھی 50 رن پیچھے رہ گئی۔ اتنا ہی نہیں، مشیر خان نے نیوزی لینڈ کے 2 کھلاڑیوں کو آؤٹ بھی کیا اور اس طرح سے وہ پلیئر آف دی میچ قرار دیے گئے۔
For his solid 131-run knock in the first innings, Musheer Khan is adjudged the Player of the Match
— BCCI (@BCCI) January 30, 2024
Scorecard ▶️ https://t.co/UdOH802Y4s#BoysInBlue | #U19WorldCup | #INDvNZ pic.twitter.com/eNzWe0l6Co
آج بلوئمفونٹین میں کھیلے گئے ہندوستان بمقابلہ نیوزی لینڈ میچ سے قبل ٹاس نیوزی لینڈ انڈر-19 ٹیم کے کپتان آسکر جیکسن نے جیتا اور پہلے گیندبازی کا فیصلہ کیا۔ ہندوستان کا پہلا وکٹ (ارشل کلکرنی 9 رن) محض 28 رن کے اسکور پر گر گیا تھا، لیکن اس کے بعد آدرش سنگھ (58 گیندوں پر 55 رن) اور مشیر خان کے درمیان 77 رنوں کی شراکت داری ہوئی۔ پھر مشیر کے ساتھ کپتان ادے سہارن (57 گیندوں پر 34 رن) نے 87 رنوں کی شراکت داری ہوئی۔ اس کے علاوہ مشیر خان نے اراولی اونیش (18 گیندوں پر 17 رن) کے ساتھ 27 رن، پریانشو مولیا (12 گیندوں میں 10 رن) کے ساتھ 38 رن اور سچن دھاس (11 گیندوں پر 15 رن) کے ساتھ 18 رنوں کی شراکت داری کی۔ مشیر خان 84ویں اوور میں بڑا شاٹ کھیلنے کی کوشش میں کیچ آؤٹ ہو گئے۔ انھوں نے 126 گیندوں پر 3 چھکوں اور 13 چوکوں کی مدد سے 131 رن بنائے۔ ہندوستانی ٹیم 50 اوورس میں 8 وکٹ کے نقصان پر 295 رن بنانے میں کامیاب ہوئی۔
Innings Break!
— BCCI (@BCCI) January 30, 2024
A splendid 1⃣3⃣1⃣ from Musheer Khan propels #TeamIndia to 295/8
Over to our bowlers
Scorecard ▶️ https://t.co/UdOH802Y4s#BoysInBlue | #INDvNZ pic.twitter.com/eC5SOg7CEh
نیوزی لینڈ انڈر-19 ٹیم کی طرف سے میسن کلارک نے سب سے زیادہ 4 وکٹ لیے، لیکن انھوں نے 8 اوورس میں 62 رن خرچ کر دیے۔ 1-1 وکٹ ریان سورگس، ایوالڈ شریوڈر، زیک کمنگ اور اولیور تیوتیا کو ملے۔ زیک کمنگ سب سے کفایتی گیندباز ثابت ہوئے جنھوں نے 10 اوورس میں محض 37 رن دے کر ایک وکٹ لیا۔
جب نیوزی لینڈ کی بلے بازی شروع ہوئی تو کوئی بھی بلے باز زیادہ دیر تک میدان میں کھڑا نہیں رہ سکا۔ ٹیم نے کوئی رن بنایا بھی نہیں تھا اور 2 وکٹ گر گئے۔ پہلے اوور کی پہلی ہی گیند پر ٹام جونس بولڈ ہو گئے اور پھر اسی اوور میں پانچویں گیند پر سنیہت ریڈی ایل بی ڈبلیو ہو گئے۔ دونوں وکٹ راج لمبانی نے لیے۔ سب سے زیادہ 19 رن کپتان آسکر جیکسن نے بنائے اور دوسرے بڑے اسکورر زیک کمنگ رہے جنھوں نے 16 رن بنائے۔ نیوزی لینڈ کے 4 کھلاڑیوں نے ایک بھی رن نہیں بنایا اور مجموعی طور پر 7 کھلاڑی دوہرے ہندسے تک بھی نہیں پہنچ پائے۔ پوری ٹیم 28.1 اوورس میں 81 رن بنا کر آؤٹ ہو گئی اور 241 رنوں سے شرمناک شکست کا سامنا کرنا پڑا۔
Another stellar bowling performance & another win for the #BoysInBlue in the #U19WorldCup! #TeamIndia register a 214-run win over New Zealand U19
— BCCI (@BCCI) January 30, 2024
Scorecard ▶️ https://t.co/UdOH802Y4s#INDvNZ pic.twitter.com/tFfu3lVqSg
ہندوستان کی طرف سے سب سے زیادہ 4 وکٹ سومی پانڈے نے لیے۔ انھوں نے 10 اوورس میں 19 رن دیے۔ راج لمبانی نے 6 اوورس میں 17 رن دے کر 2 کھلاڑیوں کو آؤٹ کیا۔ مشیر خان نے 3.1 اوورس میں محض 10 رن دے کر 2 کھلاڑیوں کو پویلین بھیجا۔ 1-1 وکٹ نمن تیواری (5 اوورس میں 19 رن) اور ارشن کلکرنی (4 اوورس میں 13 رن) کو ملے۔