آندھرا پردیش: رکن اسمبلی شیخ سبجی کی سڑک حادثہ میں موت، سیاسی و سماجی حلقہ میں غم کی لہر
جمعہ کے روز شیخ سبجی ایلورو سے بھیماورَم کی طرف جا رہے تھے تبھی ان کی کار دوپہر تقریباً ساڑھے بارہ بجے دوسری طرف سے آ رہی گاڑی سے ٹکرا گئی۔
Through RSS Feeds 
آندھرا پردیش قانون ساز کونسل کے رکن شیخ سبجی کی جمعہ کے روز ایک سڑک حادثہ میں موت ہو گئی ہے۔ اس اندوہناک حادثہ کی خبر ملنے کے بعد سیاسی و سماجی حلقہ میں غم و اندوہ کی لہر دوڑ گئی ہے۔ آندھرا پردیش کے وزیر اعلیٰ وائی ایس جگن موہن ریڈی نے ایم ایل سی شیخ سبجی کی سڑک حادثہ میں ہوئی موت پر شدید افسوس کا اظہار کیا ہے اور ان کے اہل خانہ سے ہمدردی بھی ظاہر کی ہے۔
Chief Minister Sri YS Jagan Mohan Reddy has expressed shock and grief over the death of MLC Sri Shaik Sabjee in a road mishap.
— YS Jagan Fans Campaign™ (@YSJFansCampaign) December 15, 2023
He conveyed condolences to the bereaved family members. pic.twitter.com/skHctLPrtt
میڈیا رپورٹس کے مطابق رکن اسمبلی شیخ سبجی کی موت جمعہ کے روز مغربی گوداوری ضلع کے چیروکواڑا گاؤں میں ایک کار حادثہ کے دوران ہو گئی۔ 57 سالہ سبجی ایلورو سے بھیماورَم کی طرف جا رہے تھے تبھی ان کی کار دوپہر تقریباً ساڑھے بارہ بجے ایک دیگر گاڑی سے ٹکرا گئی۔ اس حادثہ کے بعد جائے حادثہ پر ہی ان کی موت ہونے کی اطلاع سامنے آ رہی ہے۔
مغربی گوداوری ضلع کے پولیس سپرنٹنڈنٹ یو روی پرکاش کا اس حادثہ کے تعلق سے ایک بیان سامنے آیا ہے۔ انھوں نے کہا ہے کہ ’’سامنے کی طرف سے آنے والی کار ڈگمگا رہی تھی۔ اس سے (شیخ سبجی کی کار کی ہوئی) ٹکر کے بعد سبجی جائے واقعہ پر ہی انتقال کر گئے۔‘‘ قابل ذکر ہے کہ ایک ٹیچر کی شکل میں کام کرنے والی سبجی ٹیچر کوٹہ کے تحت مغربی اور مشرقی گوداوری ضلع میں 2027 تک کے لیے واحد آزاد رکن قانون ساز کونسل تھے۔
