امریکہ نے حماس کو دیا جھٹکا، مالیاتی نیٹورک کے ایک گروپ پر پابندی کا اعلان
امریکہ نے اسرائیل پر حماس کے اچانک کیے گئے حملے میں 1000 سے زیادہ لوگوں کے مارے جانے یا انھیں اغوا کیے جانے پر رد عمل ظاہر کرتے ہوئے حماس کے مالیاتی نیٹورک پر پابندی کا فیصلہ کیا ہے۔
Through RSS Feeds 
حماس اور اسرائیل کے بیچ جاری جنگ کے درمیان امریکہ نے ایک سخت قدم اٹھایا ہے۔ امریکہ نے فلسطینی تنظیم حماس کے 10 اراکین اور اس کے غزہ، سوڈان، ترکیے، الجیریا و قطر میں پھیلے مالیاتی نیٹورک کے ایک گروپ کے خلاف بدھ کے روز پابندی عائد کرنے کا اعلان کر دیا ہے۔ امریکہ نے اسرائیل پر حماس کے ذریعہ اچانک کیے گئے حملے میں 1000 سے زیادہ لوگوں کے مارے جانے یا انہیں اغوا کیے جانے پر رد عمل ظاہر کرتے ہوئے یہ قدم اٹھایا ہے۔
اسرائیل کے تئیں حمایت کا اظہار کرتے ہوئے مغربی ایشیا پہنچے امریکی صدر جو بائڈن نے اسرائیل اور حماس کے درمیان کشیدہ صورت اختیار کرتی جنگ میں کشیدگی کم کرنے کی کوشش کی ہے، لیکن ان کوششوں کو غزہ کے ایک اسپتال میں بڑے دھماکے میں تقریباً 500 لوگوں کی موت سے جھٹکا لگا ہے۔
