الیکٹورل بانڈ پر سپریم کورٹ کی پابندی سے اپوزیشن پارٹیاں خوش، جانیے کس نے کیا کہا
کانگریس صدر ملکارجن کھڑگے نے کہا کہ ’’ہم آج سپریم کورٹ کے فیصلے کا استقبال کرتے ہیں جس نے مودی حکومت کے اس منصوبہ کو غیر آئینی بتاتے ہوئے رد کر دیا ہے۔‘‘
Through RSS Feeds 
سپریم کورٹ نے آج ایک انتہائی اہم فیصلہ سناتے ہوئے الیکٹورل بانڈ منصوبہ پر پابندی عائد کر دی۔ اپوزیشن لیڈران نے سپریم کورٹ کے اس فیصلے پر بے انتہا خوشی کا اظہار کیا ہے۔ ان کا کہنا ہے کہ سپریم کورٹ کا یہ فیصلہ جمہوریت کے لیے امید کی ایک شمع ہے۔ ملکارجن کھڑگے، راہل گاندھی، آدتیہ ٹھاکرے، سیتارام یچوری وغیرہ لیڈران نے اس معاملے میں اپنا رد عمل ظاہر کرتے ہوئے کچھ اہم باتیں کہی ہیں۔ آئیے جانتے ہیں سپریم کورٹ کے الیکٹورل بانڈ سے متعلق فیصلہ پر کس نے کیا کہا...
ملکارجن کھڑگے (کانگریس صدر):
ہم آج سپریم کورٹ کے فیصلے کا استقبال کرتے ہیں جس نے مودی حکومت کے اس ’کالا دھن منتقلی‘ منصوبہ کو ’غیر آئینی‘ بتاتے ہوئے رد کر دیا ہے۔ ہمیں یاد ہے کہ کس طرح مودی حکومت، پی ایم او اور وزارت مالیات نے بی جے پی کا خزانہ بھرنے کے لیے ہر ادارہ– آر بی آئی، انتخابی کمیشن، پارلیمنٹ اور اپوزیشن پر بلڈوزر چلا دیا تھا۔ اس میں کوئی حیرت نہیں کہ اس منصوبہ کے تحت 95 فیصد چندہ بی جے پی کو ملا۔ ہمیں امید ہے کہ مودی حکومت مستقبل میں ایسے نظریات کا سہارا لینا بند کر دے گی اور سپریم کورٹ کی بات سنے گی تاکہ جمہوریت، شفافیت اور یکساں مواقع قائم رہے۔
On the day of the launching of Electoral Bonds scheme the Congress party had called it opaque and undemocratic. Subsequently in its 2019 Manifesto Congress Party promised to scrap Modi Govt's dubious scheme.
— Mallikarjun Kharge (@kharge) February 15, 2024
We welcome the decision of the Supreme Court today, which has struck…
راہل گاندھی (کانگریس رکن پارلیمنٹ):
نریندر مودی کی بدعنوان پالیسیوں کا ایک اور ثبوت آپ کے سامنے ہے۔ بی جے پی نے الیکٹورل بانڈ کو رشوت اور کمیشن لینے کا ذریعہ بنا دیا تھا۔ آج اس بات پر مہر لگ گئی ہے۔
नरेंद्र मोदी की भ्रष्ट नीतियों का एक और सबूत आपके सामने है।
— Rahul Gandhi (@RahulGandhi) February 15, 2024
भाजपा ने इलेक्टोरल बॉण्ड को रिश्वत और कमीशन लेने का माध्यम बना दिया था।
आज इस बात पर मुहर लग गई है।
آدتیہ ٹھاکرے (شیوسینا لیڈر):
ایک غیر آئینی منصوبہ کو عزت مآب سپریم کورٹ نے ختم کر دیا۔ اس کے بعد مہاراشٹر کو امید ہے کہ غیر آئینی حکومت بھی ختم کی جائے گی۔ الیکٹورل بانڈ منصوبہ ختم کرنے کے آج کے فیصلے کا استقبال کرتا ہوں۔ اب ہمیں امید ہے کہ شفافیت آئے گی۔
An “unconstitutional” scheme has been struck down by the Hon’ble Supreme Court!
— Aaditya Thackeray (@AUThackeray) February 15, 2024
Next, Maharashtra hopes, the unconstitutional regime is struck down!
Wholeheartedly welcome the decision today to strike down the opaque scheme of Electoral Bonds.
Now we hope that transparency…
سیتا رام یچوری (سی پی آئی ایم جنرل سکریٹری):
ہم اس فیصلے کا خیر مقدم کرتے ہیں۔ ہم ایک عرضی گزار ہیں، یعنی واحد سیاسی جماعت جس کے پاس انتخابی بانڈز کے خلاف بحث کرنے کا اختیار تھا۔ ہم الیکٹورل بانڈ اسکیم کو سیاسی بدعنوانی کی قانونی حیثیت سمجھتے ہیں اور اسے ختم ہونا تھا۔
#WATCH | On the Supreme Court's verdict on the Electoral Bond scheme, CPI(M) Secretary-General Sitaram Yechury says, "CPM was the only petitioner, the only political party who had the locus-standi to argue against the electoral bonds. As a matter of principle, we are the only… pic.twitter.com/JFzI3fzhzV
— ANI (@ANI) February 15, 2024
جئے رام رمیش (کانگریس لیڈر):
سپریم کورٹ نے مودی حکومت کے الیکٹورل بانڈ منصوبہ کو پارلیمنٹ کے ذریعہ پاس قوانین کے ساتھ ساتھ ہندوستان کے آئین کی بھی خلاف ورزی مانا ہے۔ طویل مدت سے انتظار کیا جانے والا فیصلہ قابل استقبال ہے اور یہ نوٹ پر ووٹ کی طاقت کو مضبوط کرے گا۔
