’آج ہی کے دن تشدد اور نفرت کے نظریہ نے باپو کو ملک سے چھین لیا تھا‘، گاندھی جی کی برسی پر راہل کا بیان
کانگریس صدر ملکارجن کھڑگے نے مہاتما گاندھی کے ایک نظریہ کا حوالہ دیتے ہوئے کہا کہ ہمارا دشمن ڈر ہے، ہمیں لگتا ہے کہ یہ نفرت ہے لیکن دراصل یہ ڈر ہے۔
Through RSS Feeds 
مہاتما گاندھی کی برسی پر کانگریس نے ان کے لیے بہترین خراج عقیدت نفرت کے خلاف جنگ لڑنے کو قرار دیا ہے۔ کاگنریس کا کہنا ہے کہ راشٹرپتا کو سچی خراج عقیدت یہی ہوگی کہ نفرت کی آندھی میں سچائی اور خیر سگالی کی شمع کو بجھنے نہ دیا جائے۔ پارٹی کا یہ بھی کہنا ہے کہ جو لوگ مہاتما گاندھی کے قاتل ناتھو رام گوڈسے کی تعریف کرتے ہیں، انھیں ہندوستان کے نظریات کو متعارف کرنے کی اجازت قطعی نہیں دی جانی چاہیے۔
महात्मा गांधी एक विचारधारा हैं, जो हमें नफरत और हिंसा से लड़ने की शक्ति देते हैं।
— Congress (@INCIndia) January 30, 2024
बापू के दिखाए मार्ग पर चलकर ही हम समाज में न्याय की स्थापना कर सकते हैं।
यही गांधी जी को हमारी सच्ची श्रद्धांजलि होगी।pic.twitter.com/KMMgD87Yto
کانگریس کے سابق صدر اور بھارت جوڑو نیائے یاترا کی قیادت کر رہے گاہل گاندھی نے مہاتما گاندھی کی موت کا سبب آر ایس ایس کے نظریات کو ٹھہرایا ہے۔ انھوں نے اپنے ایک سوشل میڈیا پوسٹ میں لکھا ہے کہ ’’آج ہی کے دن نفرت اور تشدد کے نظریات نے ملک سے ان کے باپو کو چھینا تھا۔ اور آج وہی سوچ ان کے اصولوں و نظریات کو بھی ہم سے چھین لینا چاہتی ہے۔ لیکن نفرت کی اس آندھی میں سچائی اور خیر سگالی کی شمع کو بجھنے نہیں دینا ہے۔ یہی گاندھی جی کو ہماری سچی خراج عقیدت ہوگی۔‘‘
आज ही के दिन नफ़रत और हिंसा की विचारधारा ने देश से उनके पूज्य बापू को छीना था।
— Rahul Gandhi (@RahulGandhi) January 30, 2024
और आज वही सोच उनके सिद्धांतों और आदर्शों को भी हमसे छीन लेना चाहती है।
पर नफ़रत की इस आंधी में, सत्य और सद्भाव की लौ को बुझने नहीं देना है।
यही गांधी जी को हमारी सच्ची श्रद्धांजलि होगी।… pic.twitter.com/qt10USBauj
کانگریس صدر ملکارجن کھڑگے نے بھی ایک سوشل میڈیا پوسٹ کے ذریعہ مہاتما گاندھی کو یاد کیا ہے۔ انھوں نے مہاتما گاندھی کے ایک نظریہ کا حوالہ دیتے ہوئے کہا ہے کہ ہمارا دشمن ڈر ہے۔ ہمیں لگتا ہے کہ یہ نفرت ہے، لیکن دراصل یہ ڈر ہے۔ کھڑگے مزید لکھتے ہیں کہ ’’شہید دیوس پر اپنے ملک کے اخلاقی محافظ باپو کو اپنا احترام پیش کرتا ہوں۔ ہمیں ان لوگوں کے خلاف لڑنے کا عزم کرنا چاہیے جو ’ممکن‘ اور ’طلوع‘ (سبھی کی ترقی) پر مبنی ان کے اصولوں کو تباہ کرنا چاہتے ہیں۔‘‘ کھڑگے نے کہا کہ تنوع میں اتحاد والے ہندوستان کی حفاظت کے لیے سب کچھ کرنا ہوگا اور لوگوں کے درمیان انصاف، مساوات اور بھائی چارہ بھی یقینی کرنا ہوگا۔
“The enemy is fear. We think it’s hate but it is fear.”
— Mallikarjun Kharge (@kharge) January 30, 2024
~ Mahatma Gandhi
On #MartyrsDay, we pay our respects to Bapu — the moral compass of our nation.
We must pledge to fight against those who seek to destroy his ideals based on Sambhav and Sarvodaya.
Let us do everything… pic.twitter.com/7yNTIcVzV9
قابل ذکر ہے کہ 76 سال قبل آج ہی کے دن، یعنی 30 جنوری کو مہاتما گاندھی کا قتل ناتھو رام گوڈسے نے کر دیا تھا۔ گاندھی جی کی یاد میں آج بہار کے ارریہ میں بھارت جوڑو نیائے یاترا کیمپ والی جگہ پر صبح سویرے دعائیہ جلسہ منعقد کیا گیا۔ سوشل میڈیا پلیٹ فارم ایکس پر ایک پوسٹ میں کانگریس جنرل سکریٹری جئے رام رمیش نے اس کی تصویریں شیئر کی ہیں جہاں راہل گاندھی اور کئی دیگر لیڈران نے مہاتما گاندھی کو خراج عقیدت پیش کیا۔
