آئی پی ایل: گجرات ٹائٹنس کے کپتان ہاردک پانڈیا کی ممبئی انڈینس میں واپسی!
کرک بز کی ایک رپورٹ کے مطابق ہاردک پانڈیا کا ٹرانسفر ممبئی انڈینس میں ہو گیا ہے، اس کے مطابق آئی پی ایل فرنچائزی ممبئی انڈینس اور گجرات ٹائٹنس نے معاہدہ پر دستخط کر لیا ہے۔
Through RSS Feeds 
آئی پی ایل 2024 کی نیلامی سے قبل 26 نومبر کو سبھی 10 فرنچائزی کو اپنے ریٹین اور ریلیز کیے گئے کھلاڑیوں کی فہرست دینی تھی۔ آئی پی ایل 2024 کے لیے کھلاڑیوں کی نیلامی 19 دسمبر کو دبئی میں ہونی ہے۔ اس سے قبل کئی فرنچائزی نے آج حیران کرنے والے فیصلے لیتے ہوئے بڑے کھلاڑیوں کو باہر کا راستہ دکھایا ہے۔ کھلاڑیوں کو ریٹین اور ریلیز کے لیے مقرر وقت ختم ہونے کے بعد ایک بڑی خبر سامنے آ رہی ہے۔ گجرات ٹائٹنس کے کپتان ہاردک پانڈیا ممبئی انڈینس ٹیم سے جڑ گئے ہیں۔
دراصل ہاردک پانڈیا کو گجرات ٹائٹنس نے ریٹین کھلاڑیوں کی فہرست میں شامل کیا تھا۔ لیکن کرک بز کی رپورٹ کے مطابق ہاردک پانڈیا کا ٹرانسفر ممبئی انڈینس میں ہو گیا ہے۔ اس کے مطابق آئی پی ایل فرنچائزی ممبئی انڈینس اور گجرات ٹائٹنس نے معاہدہ پر دستخط کر لیا ہے۔ حالانکہ گجرات ٹائٹنس کو اس کے بدلے کھلاڑی نہیں دیا گیا ہے۔ جب فرنچائزی ٹریڈ ڈیل کرتی ہے تو کھلاڑیوں کا پھیر بدل ہوتا ہے۔
