ہندوستان-جنوبی افریقہ ٹیسٹ: سراج کے سامنے ایلگر بریگیڈ نے ٹیکے گھٹنے، پوری ٹیم 55 رن پر پویلین لوٹی
پہلے ہی سیشن میں جنوبی افریقہ کی ٹیم 55 رن پر آل آؤٹ ہو گئی، محمد سراج نے 6 وکٹ لیے جبکہ جسپریت بمراہ اور مکیش کمار نے 2-2 وکٹ لیے۔
Through RSS Feeds 
ہندوستان اور جنوبی افریقہ کے درمیان کیپ ٹاؤن واقع نیولینڈس کے میدان میں کھیلے جا رہے ٹیسٹ کے پہلے ہی دن ہندوستان نے زبردست کھیل کا مظاہرہ کرتے ہوئے میزبان ٹیم کو پوری طرح سے بیک فُٹ پر ڈال دیا ہے۔ سنچورین میں شرمناک شکست کے بعد ہندوستانی ٹیم نے کیپ ٹاؤن میں زبردست واپسی کی ہے۔ پہلے دن پہلا سیشن ختم ہونے سے پہلے ہی پوری جنوبی افریقی ٹیم 23.2 اوورس میں محض 55 رن بنا کر پویلین لوٹ گئی، اور اس کے لیے ذمہ دار رہے ہندوستانی تیز گیندباز محمد سراج۔ انھوں نے جنوبی افریقہ کے 6 کھلاڑیوں کو آؤٹ کر ہندوستان کو زوردار شروعات دی۔
Innings Break!
— BCCI (@BCCI) January 3, 2024
A stupendous outing for our bowlers in the first innings as South Africa are all out for 55 runs in the first session of the 2nd Test.
This is the lowest Test score by an opposition against India.
Scorecard - https://t.co/j9tTnGLuBP #SAvIND pic.twitter.com/86iHajl5Yu
آج ٹاس جنوبی افریقہ کے کپتان ڈین ایلگر نے جیتا تھا جو کہ اپنا آخری ٹیسٹ میچ کھیل رہے ہیں۔ انھوں نے پہلے بلے بازی کرنے کا فیصلہ کیا، لیکن یہ پوری طرح سے غلط ثابت ہوا۔ محمد سراج نے اپنے دوسرے ہی اوور میں ایڈن مارکرم (2 رن) کو سلپ میں یشسوی جیسوال کے ہاتھوں کیچ کرا دیا، اور پھر اپنے تیسرے اوور میں کپتان ڈین ایلگر (4 رن) کو پلے ڈاؤن کر کے ہندوستان کو سب سے بڑی کامیابی دلا دی۔ قابل ذکر ہے کہ سنچورین ٹیسٹ میں ڈین ایلگر نے 185 رن بنائے تھے جس نے ہندوستان کو جیت سے بہت دور کر دیا تھا۔
That's a 5-FER for @mdsirajofficial
— BCCI (@BCCI) January 3, 2024
His first five-wicket haul in South Africa and third overall.#SAvIND pic.twitter.com/lQQxkTNevJ
بہرحال، آج محمد سراج اپنے پورے رَنگ میں دکھائی دیے۔ انھوں نے کسی بھی بلے باز کو جم کر کھیلنے کا موقع نہیں دیا۔ سراج نے ٹونی ڈی زورزی (2 رن)، ڈیوڈ بیڈنگھم (12 رن)، کائل ویرینے (15 رن) اور مارکو جانسن (صفر) کو پویلین بھیجا اور ٹیسٹ کیریر میں اپنی بہترین کارکردگی درج کی۔ انھوں نے ایک ہی اسپیل 9 اوورس کا ڈالا جس میں 3 میڈن اوورس کے ساتھ 15 رن دے کر 6 وکٹ لیے۔
Jasprit Bumrah with his second wicket and a sharp catch by Yashasvi Jaiswal in the slips.
— BCCI (@BCCI) January 3, 2024
South Africa 9 down for 55 runs.
Live - https://t.co/j9tTnGLuBP #SAvIND pic.twitter.com/3ED60VCXfU
ہندوستان کے دیگر گیندبازوں کی بات کریں تو جسپریت بمراہ نے 8 اوورس میں 25 رن دے کر 2 وکٹ (ٹرسٹن اسٹبس 3 رن، نیندرے برگر 4 رن) لیے اور مکیس کمار نے محض 2.2 اوورس میں 2 میڈن اوورس کے ساتھ بغیر کوئی رن دیے 2 وکٹ (کیشو مہاراج 3 رن، کگیسو رباڈا 5 رن) حاصل کر لیے۔ پرسدھ کرشنا واحد ہندوستانی گیندباز رہے جنھوں نے 4 اوورس میں 10 رن دیے اور کوئی وکٹ حاصل نہیں کیا۔ اسپن گیندباز رویندر جڈیجہ کو تو گیندبازی کا ہی موقع نہیں ملا۔
Mukesh Kumar strikes in his first over as Keshav Maharaj looks to pull it across. Finds Jasprit Bumrah at short mid-wicket, who takes a comfortable catch.
— BCCI (@BCCI) January 3, 2024
Live - https://t.co/j9tTnGLuBP #SAvIND pic.twitter.com/s60QOrODGs
قابل ذکر ہے کہ جنوبی افریقہ نے آج ہندوستان کے خلاف ٹیسٹ میچ کی ایک اننگ میں سب سے کم اسکور بنایا ہے۔ اس سے قبل جنوبی افریقہ نے نومبر 2015 میں 79 رن بنائے تھے۔ ویسے جنوبی افریقہ کا سب سے کم اسکور 30 رن ہے جو کہ انگلینڈ کے خلاف بنایا گیا تھا اور یہ فروری 1896 کی بات ہے۔ یہ ہندوستان کے خلاف کسی بھی ٹیم کا ٹیسٹ کی ایک اننگ میں سب سے کم اسکور بھی ہے۔ اس سے قبل ہندوستان نے دسمبر 2021 میں نیوزی لینڈ کو محض 62 رنوں پر آل آؤٹ کر دیا تھا۔
