’کانگریس پر عوام کا اعتماد برقرار‘، چھتیس گڑھ اسمبلی انتخاب کے نتائج پر کانگریس نے کی تجزیاتی میٹنگ
میٹنگ کانگریس صدر ملکارجن کھڑگے کی صدارت میں ہوئی جس میں راہل گاندھی، کے سی وینوگوپال، کمار شیلجا، بھوپیش بگھیل، ٹی ایس سنگھدیو، دیپک بیج سمیت کئی کانگریس لیڈران نے شرکت کی۔
Through RSS Feeds 
نئی دہلی: چھتیس گڑھ اسمبلی انتخاب کے نتائج کا تجزیہ کرنے کے مقصد سے جمعہ کے روز نئی دہلی واقع کانگریس ہیڈکوارٹر میں چھتیس گڑھ کانگریس کی میٹنگ منعقد ہوئی۔ کانگریس صدر ملکارجن کھڑگے کی صدارت میں ہوئی اس میٹنگ میں سابق کانگریس صدر راہل گاندھی، تنظیم جنرل سکریٹری کے سی وینوگوپال، چھتیس گڑھ کی انچارج جنرل سکریٹری کماری شیلجا، سابق وزیر اعلیٰ بھوپیش بگھیل، سابق نائب وزیر اعلیٰ ٹی ایس سنگھدیو، ریاستی صدر دیپک بیج سمیت کانگریس کے کئی لیڈران موجود رہے۔
आज छत्तीसगढ़ के चुनावी परिणाम से जुड़ी समीक्षा बैठक हुई, जहां सभी ने अपने विचार रखे।
— Congress (@INCIndia) December 8, 2023
हम छत्तीसगढ़ का चुनाव हार गए, लेकिन हमारा वोट प्रतिशत कम नहीं हुआ है। हमने जनता का विश्वास हासिल किया है।
हम निराश हुए हैं, लेकिन हताश नहीं हुए हैं। आने वाले समय में हम मिलकर लोकसभा का चुनाव… pic.twitter.com/riFDvmSF2M
میٹنگ کے بعد کماری شیلجا نے صحافیوں سے بات چیت کرتے ہوئے کہا کہ آج چھتیس گڑھ کے انتخابی نتائج سے متعلق تجزیاتی میٹنگ ہوئی۔ میٹنگ میں سبھی لیڈران نے اپنے نظریات رکھے۔ کانگریس چھتیس گڑھ کا اسمبلی انتخاب ضرور ہار گئی، لیکن اس کا ووٹ فیصد کم نہیں ہوا ہے۔ 5 سال حکومت کرنے کے بعد ووٹ فیصد برقرار رہنا ایک بڑی حصولیابی ہوتی ہے۔ کانگریس حکومت بہترین منصوبے لے کر آئی اور ان منصوبوں کا نتیجہ زمین پر دیکھا گیا۔ کانگریس نے عوام کا بھروسہ بھی جیتا کیونکہ کانگریس کی حکومت بھروسے کی سرکار رہی۔ کانگریس پارٹی حکومت نہیں بنا پائی جس سے ہم افسردہ ضرور ہیں، لیکن مایوس نہیں ہیں۔ عوام کی نظر اب بھی کانگریس پر ہے۔ کانگریس کی حکومت نہیں بن پانے کی کئی وجوہات ہیں جس پر غور و فکر کیا جا رہا ہے۔
