پی ایم مودی دو روزہ دورہ پر آج پہنچیں گے یو اے ای، ابوظبی کے پہلے ہندو مندر کا کریں گے افتتاح
پی ایم مودی 14-13 فروری کو متحدہ عرب امارات میں رہیں گے، وزارت خارجہ کے مطابق اپنے دو روزہ دورے میں پی ایم مودی وہاں کے صدر شیخ محمد بن زاید آل نہیان کے ساتھ دو فریقی مذاکرہ میں شامل ہوں گے۔
Through RSS Feeds 
وزیر اعظم نریندر مودی آج متحدہ عرب امارات (یو اے ای) کے لیے روانہ ہونے والے ہیں۔ وہ 14-13 فروری کو یو اے ای میں رہیں گے اور اس دوران ابوظبی میں تعمیر پہلے ہندو مندر کا افتتاح بھی کریں گے۔ مندر کو ’باپس‘ (بی اے پی ایس) نامی ادارہ کی قیادت میں بنایا گیا ہے جس نے دہلی کے اکشردھام مندر کا تعمیر کرایا ہے۔ ہندوستان میں یو اے ای کے سفیر عبدالناصر الشالی نے باپس ہندو مندر کے ہونے والے افتتاح کو یو اے ای کے لیے خاص موقع بتایا ہے۔ ان کا کہنا ہے کہ ہندوستان اور یو اے ای اس طرح سے اپنی دوستی کو مضبوط کر رہے ہیں۔
#WATCH | Inside visuals of the Bochasanwasi Akshar Purushottam Swaminarayan Sanstha (BAPS) Mandir, the first Hindu temple in Abu Dhabi. It will be inaugurated by Prime Minister Narendra Modi on February 14. pic.twitter.com/8oOt7Sh6gh
— ANI (@ANI) February 12, 2024
قابل ذکر ہے پی ایم مودی 14 فروری کو ابوظبی کے پہلے ہندو مندر کا افتتاح کریں گے۔ اس کے علاوہ کئی اہم شخصیات سے پی ایم مودی کی ملاقات بھی ہوگی۔ ہندوستانی وزارت خارجہ کے مطابق اپنے دو روزہ دورے میں پی ایم مودی وہاں کے صدر شیخ محمد بن زاید آل نہیان کے ساتھ دو فریقی مذاکرہ میں شامل ہوں گے۔
