پی ایم مودی انتخابی تشہیر ختم کر 2 دن کے لیے جائیں گے کنیاکماری، ’دھیان منڈپم‘ میں کریں گے مراقبہ
2019 کے لوک سبھا انتخاب کے دوران بھی آخری مرحلہ کی ووٹنگ کے وقت پی ایم مودی نے کیدارناتھ کا دورہ کیا تھا اور وہیں رودر غار میں مراقبہ پر بیٹھے تھے۔
Through RSS Feeds 
لوک سبھا انتخاب کے چھ مرحلے پورے ہو چکے ہیں اور یکم جون کو ساتویں مرحلے کی ووٹنگ ہونی ہے۔ اس درمیان خبریں سامنے آ رہی ہیں کہ پی ایم مودی انتخابی مہم ختم ہونے کے بعد یعنی 30 مئی کو کنیاکماری کا دورہ کریں گے۔ میڈیا رپورٹس کے مطابق 30 مئی سے یکم جون تک وہ کنیاکماری میں رہیں گے اور وہاں واقع ’راک میموریل‘ جائیں گے جہاں ’دھیان منڈپم‘ میں مراقبہ پر بیٹھیں گے۔ پی ایم مودی کا دو روزہ مراقبہ اسی جگہ پر ہوگا جہاں سوامی وویکانند مراقبہ پر بیٹھے تھے۔
In the culmination of his election campaign, PM Modi will visit Kanyakumari from 30th May to 1st June
— ANI (@ANI) May 28, 2024
In Kanyakumari, PM Modi will visit the Rock Memorial and will meditate day and night at the same place where Swami Vivekanand did meditation, at the Dhyan Mandapam from 30th May… pic.twitter.com/o4d7e6abGd
قابل ذکر ہے کہ 2019 لوک سبھا انتخاب کے دوران بھی آخری مرحلہ کی ووٹنگ کے وقت پی ایم مودی مراقبہ پر بیٹھے تھے۔ تب انھوں نے کیدارناتھ کا دورہ کیا تھا اور وہیں رودر غار میں مراقبہ کیا تھا۔ ایک بی جے پی عہدیدار نے پی ایم مودی کے کنیاکماری دورہ کے تعلق سے کہا کہ ’’اپنی روحانی رہائش کے لیے کنیاکماری میں جگہ منتخب کرنے کا مودی کا فیصلہ ملک کے لیے وویکانند کے نظریہ کو فروغ دینے سے متعلق ان کے عزائم کو ظاہر کرتا ہے۔‘‘
واضح رہے کہ گزشتہ سال مارچ میں صدر جمہوریہ دروپدی مرمو نے بھی وویکانند راک میموریل کا دورہ کیا تھا۔ وہ اس وقت کیرالہ، لکشدیپ اور تمل ناڈو کے چھ روزہ دورے پر تھیں۔ انھوں نے اس دورے کو ایک یادگار تجربہ بتایا تھا۔
