مہوا موئترا کی پارلیمانی رکنیت منسوخ، اخلاقیات کمیٹی کی سفارش کو لوک سبھا نے کیا منظور
اخلاقیات کمیٹی کی سفارش لوک سبھا کے ذریعہ منظور کیے جانے کے بعد نقدی کے بدلے سوال پوچھنے کے معاملہ میں مہوا موئترا کی پارلیمانی رکنیت فوری اثر سے رد ہو گئی ہے۔
Through RSS Feeds 
ترنمول کانگریس کی رکن پارلیمنٹ مہوا موئترا کو رشوت لے کر سوال پوچھنے کے معاملے میں آج شدید جھٹکا لگا۔ لوک سبھا کی اخلاقیات کمیٹی کی رپورٹ آج ایوان میں رکھی گئی جس میں مہوا موئترا کی رکنیت منسوخ کرنے کی سفارش کی گئی تھی۔ اس سفارش کو لوک سبھا نے منظوری دے دی ہے۔ نصف گھنٹے کی بحث کے بعد لوک سبھا نے اخلاقیات کمیٹی کی اس رپورٹ کو منظوری دی جس میں مہوا موئترا کی لوک سبھا رکنیت معطل کرنے کی سفارش تھی۔
Mahua Moitra expelled from the Lok sabha .
— Surbhi (@SurrbhiM) December 8, 2023
She is formally expelled by voice vote without being given a chance to speak in the parliament .
Meanwhile Brijbhushan is proudly sitting in the parliament .
Women empowerment????#MahuaMoitra pic.twitter.com/NronA8wTw8
آج لوک سبھا میں مہوا موئترا کی رکنیت منسوخ کرنے سے متعلق تجویز کو پارلیمانی امور کے وزیر پرہلاد جوشی نے منظوری فراہم کی۔ اس کا صاف مطلب ہے کہ نقدی کے بدلے سوال پوچھنے کے معاملے میں مہوا کی پارلیمانی رکنیت فوری اثر سے رد ہو گئی ہے۔ لوک سبھا اسپیکر نے اس معاملے پر کہا کہ مہوا کا رویہ غیر اخلاقی ہے، انھیں اس طرح کا عمل انجام نہیں دینا چاہیے تھا۔
اپنی پارلیمانی رکنیت منسوخ کیے جانے پر مہوا موئترا نے سخت رد عمل کا اظہار کیا ہے۔ انھوں نے کہا کہ ’’کسی طرح کی رقم یا تحفہ لینے کا کوئی ثبوت موجود نہیں ہے۔ اخلاقیات کمیٹی اس معاملے کی جانچ کی تہہ تک بھی نہیں گئی۔‘‘ انھوں نے مزید کہا کہ ’’مودی حکومت کو لگتا ہے کہ مجھے خاموش کرا کر وہ اڈانی کے ایشو سے دھیان بھٹکا دے گی، لیکن ایسا نہیں ہو پائے گا۔‘‘
