ماریشس یونیورسٹی نے ہندوستانی صدر دروپدی مرمو کو ڈاکٹریٹ کی ڈگری سے نوازا
صدر جمہوریہ دروپدی مرمو نے ماریشس کے لوگوں کو ان کے قومی دن کی نیک خواہشات پیش کیں اور کہا کہ وہ مشہور ماریشس یونیورسٹی سے ڈاکٹریٹ آف سول لاء کی اعزازی ڈگری حاصل کر بہت خوش ہیں۔
Through RSS Feeds 
ہندوستانی صدر دروپدی مرمو کو آج ماریشس یونیورسٹی نے ڈاکٹریٹ کی ڈگری تفویض کی ہے۔ صدر جمہوریہ کو یونیورسٹی کی طرف سے منگل کے روز ڈاکٹریٹ آف سول لاء کی ڈگری دی گئی۔ صدر مرمو اس وقت ماریشس کے سہ روزہ دورے پر ہیں اور منگل کے روز وہ ماریشس کے قومی دن سے متعلق ایک اہم قریب میں شرکت کرنے والی ہیں۔
I feel especially honoured to receive the Honorary Degree of Doctor of Civil Law from the University of Mauritius. I hope that it will inspire all young people, particularly young women, to discover their unique passion and pursue their dreams. pic.twitter.com/gWljH97GoB
— President of India (@rashtrapatibhvn) March 12, 2024
اس سے قبل صدر جمہوریہ مرمو نے ماریشس یونیورسٹی میں اعزازی ڈگری سے نوازے جانے کے بعد اپنے خطاب میں کہا کہ ’’ماریشس کے نوجوانوں کو ہندوستان کے ساتھ رابطے میں رہنا چاہیے اور اپنے ماضی کو ذہن نشیں رکھتے ہوئے اپنے روشن مستقبل میں سرمایہ کاری کرنی چاہیے۔‘‘ اس موقع پر صدر مرمو نے ماریشس کے لوگوں کو ان کے قومی دن پر نیک خواہشات بھی پیش کیں۔ ساتھ ہی انھوں نے کہا کہ وہ اس مشہور یونیورسٹی سے ڈاکٹریٹ آف سول لاء کی اعزازی ڈگری حاصل کر بہت خوش ہیں۔ صدر مرمو نے کہا کہ ’’مجھے امید ہے کہ اس سے نوجوان طبقہ حوصلہ پائے گا، خصوصاً نوعمر خواتین اپنے خوابوں کو پورا کرنے کے لیے جنونی بنیں گی۔‘‘
ماریشس اور ہندوستان کے درمیان رشتوں کا تذکرہ کرتے ہوئے دروپدی مرمو نے کہا کہ دونوں ممالک کو رشتوں کو وسعت پیدا دینے میں تعلیم کا انتہائی اہم کردار ہے۔ 1901 میں مہاتما گاندھی نے ہندوستانیوں کو تعلیم یافتہ ہونے کے لیے راغب کیا تھا۔ اس سے ماریشس میں سیاسی و سماجی مضبوطی پیدا ہوئی اور بڑی تبدیلیاں دیکھنے کو ملیں۔ ساتھ ہی ماریشس کے دور اندیش لیڈروں سر شیوساگر رام غلام اور سر انیرودھ جگناتھ کا بھی تعاون ہے۔ ان کی قیادت میں خوشحال ماریشس کی بنیاد پڑی۔
