سابق ہندوستانی کرکٹر بشن سنگھ بیدی کا 77 سال کی عمر میں انتقال، طویل مدت سے تھے بیمار
اپنے دور کے عظیم اسپن گیندبازوں میں شمار بشن سنگھ بیدی نے 1967 سے 1979 کے درمیان ہندوستان کے لیے 67 ٹیسٹ میچ کھیلے اور 266 وکٹ لیے، انھوں نے 10 یک روزہ بین الاقوامی میچوں میں 7 وکٹ لیے۔
Through RSS Feeds 
سابق ہندوستانی کپتان اور مایہ ناز اسپن گیندباز بشن سنگھ بیدی کا 77 سال کی عمر میں آج انتقال ہو گیا۔ بشن سنگھ بیدی طویل مدت سے بیمار چل رہے تھے۔ وہ اپنے دور کے عظیم اسپن گیندباز تھے اور 1967 سے 1979 کے درمیان ہندوستان کے لیے 67 ٹیسٹ میچ کھیلے جس میں 266 وکٹ لیے۔ انھوں نے ہندوستان کے لیے 10 یک روزہ میچ بھی کھیلے جن میں 7 وکٹ لیے۔
The BCCI mourns the sad demise of former India Test Captain and legendary spinner, Bishan Singh Bedi.
— BCCI (@BCCI) October 23, 2023
Our thoughts and prayers are with his family and fans in these tough times.
May his soul rest in peace pic.twitter.com/oYdJU0cBCV
واضح رہے کہ بشن سنگھ بیدی، ایراپلی پرسنا، بی ایس چندرشیکھر اور ایس وینکٹ راگھون ایک وقت ہندوستانی اسپن گیندبازی کی جان ہوا کرتے تھے۔ بشن سنگھ بیدی نے ہندوستان کے لیے پہلا یک روزہ میچ جیتنے میں اہم کردار نبھایا تھا۔ امرتسر میں پیدا ہوئے بشن سنگھ بیدی نے گھریلو سرکٹ میں دہلی کی نمائندگی کی۔ انھوں نے گھریلو کرکٹ میں 370 میچوں میں 1560 وکٹ لیے۔
