حق رائے دہی کا استعمال مذہب، ذات اور علاقہ سے بالاتر ہو کر کیا جانا چاہیے: چیف الیکٹورل آفیسر
تلنگانہ کے چیف الیکٹورل آفیسر وکاس راج نے کہا ہے کہ تمام رائے دہندگان کو ووٹ کے حق کا استعمال کرنا چاہے۔ تلنگانہ میں 30 نومبر کو چھٹی کا دن نہیں ووٹنگ کا دن ہے
Through RSS Feeds 
حیدرآباد: تلنگانہ کے چیف الیکٹورل آفیسر وکاس راج نے کہا ہے کہ تمام رائے دہندگان کو ووٹ کے حق کا استعمال کرنا چاہے۔ تلنگانہ میں 30 نومبر کو چھٹی کا دن نہیں ووٹنگ کا دن ہے۔ انہوں نے زور دیتے ہوئے کہا کہ حق رائے دہی کا استعمال مذہب، ذات پات اور علاقہ سے بالاتر ہو کر رضاکارانہ طور پر کیا جانا چاہیے۔
ووٹ کے حق کے بارے میں بیداری پیدا کرنے کے لیے حیدرآباد کے گچی باولی علاقہ میں ’آو ووٹ دیں‘ (لیٹس ووٹ) پروگرام منعقد کیا گیا جس میں چیف الیکٹورل آفیسر وکاس راج، ڈی جی پی انجنی کمار، سابق ڈی جی پی مہیندر ریڈی، ’لیٹس ووٹ‘ تنظیم کے بانی جے اے چودھری اور کئی دوسرے افراد نے حصہ لیا۔
اس موقع پر میڈیا سے بات کرتے ہوئے ڈی جی پی انجنی کمار نے تمام سے خواہش کی کہ وہ 30 نومبر کو رائے دہی کے دن اپنی ریاست، ملک کے لئے محبت کا اظہار کریں اور ووٹ کا استعمال کریں۔
