اغوا شدہ ’ایم وی لیلا نارفاک‘ میں سوار سبھی 15 ہندوستانیوں کا ریسکیو، بحریہ کمانڈو کی ویڈیوز آئی سامنے
ہندوستانی بحریہ کے چیف ایڈمرل آر ہری کمار نے بحر عرب میں ہندوستانی جنگی آبدوز کو سمندری لٹیروں کے خلاف سخت سے سخت کارروائی کرنے کی ہدایت دی ہے۔
Through RSS Feeds 
صومالیہ ساحل کے پاس اغوا ہوئے ایم وی لیلا نارفاک جہاز میں سوار 15 ہندوستانیوں سمیت سبھی 21 کرو اراکین کو بحریہ نے بچا لیا ہے۔ اغو اکیے جانے کے بعد ہی ہندوستانی بحریہ نے صومالیہ ساحل کے پاس ریسکیو مہم شروع کر دی تھی اور سمندری لٹیروں کو تنبیہ دی۔ اس کے بعد جب کمانڈو نارفاک جہاز پر اترے تو لٹیرے چھوڑ کر فرار ہو گئے۔
#IndianNavy’s Swift Response to the Hijacking Attempt of MV Lila Norfolk in the North Arabian Sea.
— SpokespersonNavy (@indiannavy) January 5, 2024
All 21 crew (incl #15Indians) onboard safely evacuated from the citadel.
Sanitisation by MARCOs has confirmed absence of the hijackers.
The attempt of hijacking by the pirates… https://t.co/OvudB0A8VV pic.twitter.com/616q7avNjg
اس درمیان ڈیفنس افسر کے حوالے سے نیوز ایجنسی اے این آئی نے بتایا کہ ہندوستانی بحریہ کے چیف ایڈمرل آر ہری کمار نے بحر عرب میں ہندوستانی جنگی آبدوزوں کو سمندری لٹیروں کے خلاف سخت سے سخت کارروائی کرنے کی ہدایت دی ہے۔ علاقہ میں کاروباری جہازوں پر حملوں کو روکنے کے لیے بحر عرب میں ہندوستانی بحریہ کے چار جنگی آبدوز تعینات کیے گئے ہیں۔
میڈیا رپورٹس کے مطابق ہندوستانی بحریہ کے مرین کمانڈو نے جمعہ کو لائبیریا کے پرچم والے کمرشیل جہاز ایم وی لیلا نارفاک پر اتر گئے تھے اور آپریشن چلایا تھا۔ کمانڈو نارفاک جہاز کے پاس بحریہ کا آئی این ایس چنئی سے پہنچے تھے۔ ساتھ ہی بحریہ نے ایم وی لیلا نارفاک کے اغوا کے بعد اس کا پتہ لگانے کے لیے سمندری گشتی فلائٹ پی-8 آئی اور طویل دوری کے ’پریڈیٹر ایم کیو 9 بی ڈرون‘ کو تعینات کیا تھا۔
Power of the Indian Navy!
— Mr Sinha (@MrSinha_) January 5, 2024
Successfully rescued hijacked merchant vessel which was hijacked off Somalia coast.
All 21 crew members including 15 Indians are safe now. pic.twitter.com/0Kg4VaoedP
واضح رہے کہ میری ٹائم ٹریڈ آپریشنز (یو کے ایم ٹی او) نے جمعرات (4 جنوری) کو ایم وی لیلا نارفاک کے اغوا ہونے کی اطلاع دی تھی۔ یو کے ایم ٹی او اسٹریٹجک سمندری راستوں میں جہازوں کی سرگرمیوں پر نظر رکھتا ہے۔
